"მანჩესტერ იუნაიტედის" ყოფილი თავდამსხმელი დუაიტ იორკი გაკოტრების პირასაა. ამ ინფორმაციას 90min ავრცელებს.მიმდინარე თვის დასაწყისში, იორკის კომპანია Dwight Yorke Promotions სასამართლომ გადახდისუუნაროდ სცნო. ტრინიდადელ ვეტერანს სიტუაციის გამოსასწორებლად ერთადერთი გზა აქვს დარჩენილი - გაყიდოს აპარტამენტი, რომელშიც ის 1997 წლიდან ცხოვრობს. იორკი უძრავ ქონებას 2.26 მილიონ ევროდ აფასებს.
დუაიტ იორკი "მანჩესტერ იუნაიტედში" 1998-2002 წლებში თამაშობდა. მან 147 თამაში ჩაატარა, 65 გოლი გაიტანა და 6 ტიტული მოიგო. "წითელი ეშმაკების" გარდა, იორკს" ასტონ ვილაში", "ბლექბერნში", "ბირმინგემში", "სიდნეისა" და "სანდერლენდში" უთამაშია.
