კვირას, "სტემფორდ ბრიჯზე" "ჩელსი"-"ვესტ ჰემის" მატჩის მიმდინარეობისას, "ჩაქუჩების" გულშემატკივრები ყველაზე აგრესიულად ჯონ ტერისა და ფრენკ ლემპარდის მიმართ იყვნენ განწყობილნი. პირველი განსაკუთრებული აგრესიის მარწუხებში მოექცა, რადგან ის ძირითადში არ იყო და გასახურებლად ტრიბუნებთან მიახლოება უხდებოდა. ტერის მისამართით ისროდნენ მონეტებსა და ჰამბურგერებსაც კი.ლონდონის პოლიციის ცნობით, გამოძიება უკვე დაწყებულია: "ტრიბუნებიდან ნასროლი მონეტების საქმეს აუცილებლად გამოვიძიებთ. ჯერჯერობით ეჭვმიტანილებზე ლაპარაკი ნაადრევია," - ნათქვამია სამართალდამცავთა განცხადებაში.
შეგახსენებთ, რომ შეხვედრა მასპინძელთა გამარჯვებით (2:0) დასრულდა. ლამპარდმა ლონდონელთა ლურჯი მაისურით მე-200 გოლი გაიტანა და ახლა ბობ ტემბლინგის რეკორდამდე
"მშვენიერი თამაში იყო, როგორც პირადად ჩემთვის, ისე მთლიანად გუნდისთვის. იმის თქმაც შეიძლება, რომ უფრო დიდი ანგარიშით შეგვეძლო მოგება. მეტის გატანა შემეძლო პირადად მეც. ვფიქრობ, ბოლო თამაშების ტენდენცია შევინარჩუნეთ: ბევრს ვმოძრაობდით, ერთმანეთს პასს არ ვუგვიანებდით. 2:0-ის შემდეგ ძალიან მოვდუნდით, მაგრამ მომენტების შექმნას მაინც ვახერხებდით. ამ მოვლენების ეპიცენტრში ყოფნა კი ძალიან სასიამოვნო იყო. იმის შეგრძნება, რომ მე-200 გოლი გავიტანე, განსაკუთრებულია.
"ჩელსიში" როცა გადმოვედი, ვერც კი წარმოვიდგენდი, რომ ამდენს მოვახერხებდი. მაშინ იმაზე თუ ვიოცნებებდი, რომ 200 თამაში ჩამეტარებინა. ამაყი ვარ, რომ უკვე წლებია, ასეთი დიდი კლუბის ისტორიის ნაწილი ვარ. ემოციების გადმოცემა, უბრალოდ, შეუძლებელია. გულშემატკივრები უბრალოდ აფეთქდნენ ჩემი გოლის შემდეგ.
ტრიბუნები პირველი წუთებიდანვე განსაკუთრებულად თბილად იყვნენ ჩემდამი განწყობილები. მათ მეც ვაღმერთებ. ყველას ერთად უამრავი საერთო რამ გვაქვს გასახსენებელი. ეჭვგარეშეა, რომ სულითა და გულით ჩელსელი ვარ. მე სწორედ ამით ვცხოვრობ და ამას ვერაფერი შეცვლის. ფანების გვერდში დგომას ვაფასებ და ვცდილობ, სიყვარულითვე ვუპასუხო.
აზარი სულ რაღაც 22 წლის არის და ვიღაცებს ეს ხშირად ავიწყდებათ ხოლმე. მსოფლიომ უკვე აღიარა ის, მაგრამ დარწმუნებული ვარ, რომ ედენი გაუმკლავდება ამხელა ზეწოლას, რადგან ამისთვის საკმაოდ მყარად დგას ფეხზე. მას მდგრადი ფსიქიკა და ხასიათი აქვს. ზედმეტი ფიქრებით გონებას არ იღლის, რაც მის თამაშზე აისახება კიდეც. აზარის ოსტატობა და სისწრაფე მისი სავიზიტო ბარათია. მას ისეთი მონაცემები აქვს, რასაც ყველა დროის უდიდესი ფეხბურთელები ფლობდნენ. აზარის გვერდით თამაში განსაკუთრებული სიამოვნებაა.
ამიერიდან ჩვენი პრიორიტეტი მხოლოდ მომდევნო თამაში უნდა იყოს. ხალხი ბევრს ლაპარაკობს გადატვირთულ კალენდარზე, მაგრამ "ჩელსისთვის" ის ტურნირები, სადაც თამაშობს, განსაკუთრებულია. თანაც ჩვენ ყველა ფრონტზე გვაქვს წარმატების შანსი. ჩემპიონატის თამაშები უმნიშვნელოვანესია, მაგრამ თასების მოგებაზეც უნდა ვიზრუნოთ.
ყოველდღიური სპორტული გაზეთი "ლელო"
ასევე იხილეთ:
ფრენკ ლემპარდი: 200-ბურთიან ზღვრამდე მიღწევა განსაკუთრებული გრძნობაა
