ბრიტანული პრესის ცნობით, დიდი შანსია, სესკ ფაბრეგასმა კარიერა ისევ ინგლისის ჩემპიონატში გააგრძელოს, ოღონდ "მანჩესტერ იუნაიტედში"."იუნაიტედის" ბოსები გამალებით ეძებენ პოლ სქოულზის სრულფასოვან შემცვლელს, რომელმაც კარიერა დაასრულა და ასეთად ესპანელი შემტევი ნახევარმცველი ესახებათ.
"მანჩესტერ იუნაიტედი" "ბარსელონას" ისეთი წინადადებით მიმართავს, რომ კატალონიელებს უარის თქმა გაუჭირდებათ - საუბარია 35 მილიონ ფუნტ სტერლინგზე.
შეგახსენებთ, რომ თავად ფაბრეგასმა ბოლო დროს განაცხადა, რომ "ბარსელონაში" თავს ბედნიერად გრძნობს.
