ინგლისის ლიგის თასის 1/16-ფინალში "მანჩესტერ იუნაიტედმა" "ლივერპულს" უმასპინძლა, 1:0 მოუგო და გათამაშებიდან გამოთიშა.გამარჯვების გოლი მეორე ტაიმის პირველივე წუთზე უეინ რუნის პასით მექსიკელმა ხავიერ ერნანდესმა გაიტანა.
შეგახსენებთ, რომ ეს გუნდები ერთმანეთს პრემიერლიგაშიც შეხვდნენ. მაშინ ბრენდან როჯერსის "ლივერპულმა" იმარჯვა - 1:0.
მატჩის შემდეგ კომენტარი გააკეთა გამარჯვებული გუნდის თავკაცმა დევიდ მოიესმა:
"ეს მატჩი ძალიან მნიშვნელოვანი იყო ჩვენთვის. დერბიში "მანჩესტერ სიტისთან" შევრცხვით და რეაბილიტაცია გვჭირდებოდა საკუთარი მაყურებლის წინაშე.
კარგი თამაში გამოვიდა, ორივე გუნდის შესრულებით. ისევე მოხდა, როგორც ჩვენს წინა დაპირისპირებაში, საგოლე მომენტები ცოტა
მე ამ თამაშისთვის ცვლილებებს მივმართე, რადგან თავის გამოჩენის შანსი ყველას ჰქონდეს", - განაცხადა მანჩესტერელთა შოტლანდიელმა დამრიგებელმა.
ამ შეხვედრაში 10-მატჩიანი დისკვალიფიკაციის შემდეგ პირველად ითამაშა "ლივერპულის" ურუგვაელმა ფორვარდმა ლუის სუარესმა.
"აქ იმიტომ ვარ, რომ "ლივერპულს" დავეხმარო. ამას ყველანაირად ვეცდები. შედეგი, რა თქმა უნდა, არ გვაწყობს, მაგრამ მინდა ვთქვა, რომ "ლივერპულმა" კარგად ითამაშა", - განაცხადა სუარესმა.
იხილეთ ვიდეო
ასევე იხილეთ:
ინგლისი. ლიგის თასი: ფავორიტთა მრისხანება
![ალისონმა ამ საქციელით "ლივერპულის" ფანები და ფეხბურთელები გააოცა - მეკარეზე, რომელიც მამარდაშვილმა უნდა შეცვალოს, ბევრს საუბრობენ [VIDEO]](/pictures/image7/011a40376b783f26752998147d604d63.jpg "ალისონმა ამ საქციელით \"ლივერპულის\" ფანები და ფეხბურთელები გააოცა - მეკარეზე, რომელიც მამარდაშვილმა უნდა შეცვალოს, ბევრს საუბრობენ [VIDEO]")
