"მანჩესტერ სიტიდან" ცენტრალური ნახევარმცველების სიჭარბეს გაქცეულმა 32 წლის გარეთ ბერიმ "ევერტონში" იპოვა თავშესაფარი და შესანიშნავადაც ათამაშდა. ის, რომ ასაკის მიუხედავად, თამაში ჯერ კიდევ მაღალ დონეზე შეუძლია, ფეხბურთელმა "ჩელსისთან" IV ტურის შეხვედრაშივე დაამტკიცა. იმ დღეს მან ლონდონელ მეტოქეებს თავბედი აწყევლინა და საკუთარი გუნდის გამარჯვებაში დიდი წვლილი შეიტანა. ფეხბურთელს იმედი ჰქონდა, რომ ფორმაში შესულს როი ჰოჯსონი ნაკრებში დააბრუნებდა, თუმცა ჩერნოგორიასთან და პოლონეთთან შეხვედრებისთვის ის განაცხადს მიღმა აღმოჩნდა. ამ დღეებში ბერიმ, პრაქტიკულად, დაადასტურა, რომ საიჯარო ხელშეკრულების დასრულების შემდეგაც "გუდისონ პარკზე" გეგმავს დარჩენას.
ბერის
"ევერტონში" გადასვლა ჩემთვის მხოლოდ მეორე ტრანსფერია კარიერაში. თავის დროზე "სიტიში" ფეხის მოსაკიდებლად დიდი დრო დამჭირდა, "ევერტონში" კი ყველაფერს იოლად ავუღე ალღო. აქაურები თბილად შემხვდნენ. ამასთან, ჩემი სტილის ფეხბურთელი მთავარ მწვრთნელსაც სჭირდება. ხოლო როცა შრომას გიფასებენ, ყოველთვის სასიამოვნოა. მეც მომწონს ის როლი, რომელსაც აქ ვასრულებ და შესაბამისად, ბედნიერი ვიქნები, თუკი დარჩენის შანსი მომეცემა".
ყოველდღიური სპორტული გაზეთი "ლელო"
![სამწვრთნელო კარიერაში პირველად, გვარდიოლამ ზედიზედ 4 მატჩი წააგო - "სიტი" ამჯერად "ბრაიტონთან" დამარცხდა [VIDEO]](/pictures/image7/4f97acd2aa383f7fd5d797e97e61fe01.jpg "სამწვრთნელო კარიერაში პირველად, გვარდიოლამ ზედიზედ 4 მატჩი წააგო - \"სიტი\" ამჯერად \"ბრაიტონთან\" დამარცხდა [VIDEO]")
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
