ინგლისური პრემიერლიგის მე-15 ტურში მოულოდნელი მარცხი იწვნია ლონდონის "ჩელსიმ", რომელიც სტუმრად "სტოკ სიტისთან" 2:3 დამარცხდა. "ჩელსი" მე-9 წუთზე გერმანელმა ანდრე შიურლემ დააწინაურა, თუმცა ტაიმის მიწურულს პიტერ კრაუჩმა გაქვითა.
50-ე წუთზე მასპინძლები სტივენ აირლენდმა ტექნიკური დარტყმით დააწინაურა, მაგრამ შიურლემ სამ წუთში გაათანაბრა.
გამარჯვება "სტოკს" შორეული დარტყმით უსამა ასაიდიმ მოუტანა. ეს ჟოზე მოურინიოს გუნდის მესამე მარცხია სეზონში, "ჩელსი" 30 ქულით მე-3 ადგილზეა. "სტოკ სიტი" 17 ქულით მე-12 ადგილზეა.
ჟოზე მოურინიო (ჩელსი): "მეტოქეს ვერ შევაქებ, მაქსიმუმ, რაც მარკ ჰიუზის გუნდმა დაიმსახურა, ეს ფრეა.
დაცვის თამაში მართლა მაფიქრებს, ჩვენი ერთეული შეცდომები წყალში გვიყრის მთელ ჯაფას, თუმცა ჩვენ ამ პრობლემის გამოსწორებაზე ვმუშაობთ".
იხილეთ ვიდეო
![მოურინიოს მდიდრული ცხოვრება სტამბულში - მინიმუმ 1000 ფუნტი დღეში, "დონერ ქებაბი" და რა საკვები შედის პორტუგალიელის ყოველდღიურ მენიუში [PHOTOS]](/pictures/image7/480b51054f1680b7a8882ee94e27a592.jpeg "მოურინიოს მდიდრული ცხოვრება სტამბულში - მინიმუმ 1000 ფუნტი დღეში, \"დონერ ქებაბი\" და რა საკვები შედის პორტუგალიელის ყოველდღიურ მენიუში [PHOTOS]")
