არსენ ვენგერი ჟენევაში ცნობილი სპორტსმენების სპეციალურ გალა-ცერემონიალს დაესწრო. იქვე იმყოფებოდა ოტმარ ჰიტცფელდიც და ამ ორ ბრწყინვალე მწვრთნელთან ერთად სურათი სიამოვნებით გადაიღო ფორმულა 1-ის ცნობილმა პილოტმა ნიკო როსბერგმა, რომელიც "ტვიტერის" საკუთარ გვერდზე სიამაყით გამოამზეურა. "როგორც ყოველ წელს, არაერთ დიდ ადამიანს შევხვდი" - მიაწერა როსბერგმა.
"ტვიტერზეც" და "ინსტაგრამზეც" სიხარულით გამოფინა ვენგერთან ერთად 9 წლის წინ გადაღებული ფოტო თეო უოლკოტმა, რომელიც მაშინ, 2006 წელს, 16 წლის ასაკში "საუთჰემპტონიდან" შეუერთდა "მეთოფეებს". "9 წლის წინ..." - მიაწერა უოლკოტმა, რომელმაც ჟურნალისტებთან საუბრისას საკამათო და თამამი განცხადება
"წმინდანების" აღზრდილმა შემტევმა თავად გაიხსენა ის დიდი ფეხბურთელები, რომლებიც იმ დროისთვის ბურთაობდნენ მაშინ ჯერ კიდევ "ჰაიბერიზე" - ტიერი ანრი, დენის ბერხკამპი, რობერ პირესი, ფრედი ლიუნგბერგი, ხოსე ანტონიო რეიესი...
უოლკოტმა ეს ფეხბურთელები აქო, მაგრამ აღნიშნა, რომ მისი აზრით, "არსენალს" ისტორიაში საუკეთესო თავდასხმა სწორედ ახლა ჰყავს - თავად იგი, ალექს-ოქსლეიდ ჩემბერლენი, სანტი კასორლა, მესუთ იოზილი, ალექსის სანჩესი, ოლივიე ჟირუ... ოღონდ უოლკოტმა ერთიც დაამატა, ამის დასამტკიცებლად ტიტულები უნდა მოვიგოთო. ასე რომ, ჰა ბურთი და ჰა მოედანი.
ყოველდღიური სპორტული გაზეთი "ლელო"
