პრემიერლიგა. VII ტური: "იუნაიტედმა" "სიტის" გაუსწრო [VIDEO]

26 სექტემბერს ინგლისის პრემიერლიგის VII ტურის 8 შეხვედრა გაიმართა. 16 გუნდიდან მხოლოდ "სანდერლენდმა" ვერ გაიტანა გოლი, 8 მატჩში კი ჯამში 35 გოლი გავიდა, რაც მატჩში 4 გოლზე მეტია.

"ტოტენჰემმა" 4:1 გაანადგურა "მანჩესტერ სიტი", ეს "სიტის" ზედიზედ მესამე მარცხია. არადა, თავიდან კევინ დე ბრუინის გოლით სტუმრები დაწინაურდნენ, მაგრამ შემდეგ "დეზებმა" 4 უპასუხო გოლი გაიტანეს. სეზონში პირველად გამოიჩინა თავი ჰარი კეინმა.

მაურისიო პოჩეტინო (ტოტენჰემი): "გახარებული ვარ ასეთი შედეგით, მიხარია ფეხბურთელების და ფანების გამო - მათ ეს გამარჯვება ყველაზე მეტად დაიმსახურეს. ჰარი კეინმა მისთვის ძალზე მნიშვნელოვანი გოლი გაიტანა. არ არის საჭირო ახლა ღრუბლებში ფრენა, თუმცა ჩვენ მუდამ ასე გვსურს თამაში, როგორც დღეს".

"სიტის" წაგებით ისარგებლა "მანჩესტერ იუნაიტედმა", რომელმაც 3:0 მოუგო "სანდერლენდს" და პირველ ადგილზე გადავიდა. გოლები მემფის დეპაიმ, უეინ რუნიმ და ხუან მატამ გაიტანეს. რუნი "იუნაიტედის" ისტორიაში გოლების რაოდენობით მესამე ადგილზე გავიდა. ის 171 გოლით დენის ლოუს დაეწია.

ლუი ვან გაალი (მანჩესტერი): "რაც "მანჩესტერ იუნაიტედში" ვმუშაობ, გუნდი პირველად გალიდერდა, ამიტომაც, მე ძალიან ბედნიერი ვარ".

ჩემპიონატში აქამდე დაუმარცხებელი "ლესტერი" მისსავე მოედანზე არსენ ვენგერის "არსენალმა" გაანადგურა - 5:2. ჰეთ თრიკით გამოიჩინა თავი ალექსის სანჩესმა.

აღსანიშნავია, "ლივერპულისა" და "საუთჰემპტონის" გამარჯვებები.

ხოლო "ჩელსი" სტუმრად "ნიუკასლთან" 0:2-ს აგებდა, მაგრამ რამირესისა და ვილიანის გოლებით გაათანაბრა - 2:2.

ტოტენჰემი-სიტი 4:1
გოლები: 0:1 დე ბრუინი (25), 1:1 დაიერი (45), 2:1 ალდერვეირელდი (50), 3:1 კეინი (61), 4:1 ლამელა (79)

ლესტერი-არსენალი 2:5
გოლები: 1:0 ვარდი (13), 1:1 უოლკოტი (18), 1:2 სანჩესი (33), 1:3 სანჩესი (57), 1:4 სანჩესი (81), 2:4 ვარდი (89), 2:5 ჟირუ (90)

ლივერპული-ასტონ ვილა 3:2
გოლები: 1:0 მილნერი (2), 2:0 სტარიჯი (59), 2:1 ჟესტედი (66), 3:1 სტარიჯი (67), 3:2 ჟესტედი (71)

მანჩესტერი-სანდერლენდი 3:0
გოლები: 1:0 დეპაი (45), 2:0 რუნი (46), 3:0 მატა (90)

საუთჰემპტონი-სუონსი 3:1
გოლები: 1:0 ვან დეიკი (11), 2:0 ტადიჩი (54), 3:0 მანე (61), 3:1 სიგურდსონი (83-პენ)

სტოკი-ბორნმუთი 2:1
გოლები: 1:0 უოლტერსი (32), 1:1 გოსლინგი (76), 2:1 დიუფი (83)

ვესტ ჰემი-ნორვიჩი 2:2
გოლები: 0:1 ბრეიდი (9), 1:1 სახო (33), 1:2 რედმონდი (83), 2:2 კუიატე (90)

ნიუკასლი-ჩელსი 2:2
გოლები: 1:0 პერესი (42), 2:0 ვეინალდუმი (60), 2:1 რამირესი (79), 2:2 ვილიანი (86)

1. მანჩესტერი - 16 ქულა; 2. სიტი - 15; 3. ვესტ ჰემი - 13; 4. არსენალი - 13; 5. ტოტენჰემი - 12.