ტურინის "იუვენტუსის" იტალიელმა ნახევარმცველმა კლაუდიო მარკიზიომ კარიერა, შესაძლოა, ლონდონის "ჩელსიში" გააგრძელოს.აღნიშნულ ინფორმაციას Calciomercato ავრცელებს.
წყაროს ინფორმაციით, 30 წლის ფეხბურთელის შეძენის მთავარი ინიციატორი იტალიის ეროვნული ნაკრების მთავარი მწვრთნელი ანტონიო კონტეა, რომელიც სეზონის დასრულების შემდგომ, სავარაუდოდ, "ჩელსის" ჩაიბარებს.
სერია A-ს მიმდინარე სეზონში ჩატარებულ 18 შეხვედრაში მარკიზიოს ანგარიშზე 1 საგოლე გადაცემაა.
