პრემიერლიგა. ბოლო ტური: ბომბის არსებობის ეჭვი და ევაკუაცია "ოლდ ტრაფორდზე" [VIDEO]

* "მანჩესტერისა" და "ბორნმუთის" შეხვედრა უსაფრთხოების მიზნით გადაიდო.
* ლონდონის "არსენალმა" ზედიზედ 21-ე სეზონში დაასრულა ჩემპიონატი "ტოტენჰემზე" მაღალ ადგილზე.
* 2000 წლის მერე პირველად, პრემიერლიგის ბომბარდირი ინგლისელია - ჰარი კეინი.

სეზონი დასრულდა, მაგრამ ვერც დასრულდა - წითელი განგაში გამოცხადდა "ოლდ ტრაფორდზე", რის გამოც "მანჩესტერისა" და"ბორნმუთის" შეხვედრა ჩაიშალა.

სპეციალისტებმა საეჭვო ნივთის საკონტროლო აფეთქება მას მერე განახორციელეს, რაც სტადიონი დაიცალა. იყო თუ არა ბომბი ნამდვილი, ამის შესახებ ერთმანეთის გამომრიცხავი ცნობები ვრცელდება.

"ტოტეჰემის" ფანები ისევ ვერ გაიხარებენ იმით, რომ სეზონი "არსენალზე" წინ დაასრულეს, რადგან მათმა საყვარელმა გუნდმა "სენტ ჯეიმს პარკზე" გამანადგურებელი ანგარიშით წააგო - 1:5. რასაკვირველია, "ნიუკასლს" ამით არანაირი ხეირი არ ჰქონია - …გვიანია.

თუმცა "კაჭკაჭებმა" კარი გაიჯახუნეს და შეეცდებიან, ჩემპიონშიპში მხოლოდ ერთი სეზონი გაატარონ და უკან დაბრუნდნენ. სევდიანად შთამბეჭდავი გამარჯვება იმანაც გააფერადა, რომ ალექსანდრ მიტროვიჩმა წითელი ბარათი მიიღო. ამ დროს ანგარიში 2:1 იყო.

ათკაციანმა ჯორდებმა კიდევ სამი შეაგდეს. "ტოტენჰემი" კი მესამე ადგილს დასჯერდა, რაც მაინც ძალიან კარგი შედეგია, მაგრამ "დეზების" ფანებს "არსენალზე" წინ გასვლა ძალიან უნდოდათ და მონატრებული ჰქონდათ და ცოტა გული დასწყდებოდათ. თავად "მეთოფეებმა" ბოლოადგილოსან "ასტონ ვილას" გადაურბინეს.

ამ შეხვედრაში ოლივიე ჟირუმ გაილაღა, რომელიც სეზონის მიწურულს ფორმაში შევიდა და ევროპის ჩემპიონატს ოპტიმალურ კონდიციაში ხვდება. ფრანგმა ჰეთ თრიკი შეასრულა. მესუთ იოზილმა მხოლოდ ერთი საგოლე პასი გააკეთა და ერთიც დააკლდა ტიერი ანრის რეკორდის გამეორებამდე, მან სეზონი 19 შედეგიანი პასით დაასრულა, "არსენალმა" კი - მეორე ადგილზე.

ჩემპიონმა "ლესტერმა" მწვრთნელ კლაუდიო რანიერის გული არ დაწყვიტა და "სტემფორდ ბრიჯზე" მის ყოფილ გუნდთან არ წააგო. "ჩელსი" სესკ ფაბრეგასის პენალტით იგებდა, მაგრამ ბოლოსკენ დენი დრინკვოტერმა გაათანაბრა.

ვითომ არაფერი და ეს გოლი დრინკვოტერისთვის მნიშვნელოვანია. ის ნაკრებში ადგილისთვის იბრძვის, საბოლოო სიას კი როი ჰოჯსონი დღეს გააცხადებს.

როგორც მოსალოდნელი იყო, გავარდნილ "ნორვიჩთან" "ევერტონმა" იმარჯვა და სეზონი მაჟორულ ნოტზე ვერა, მაგრამ ოდნავ პოზიტიურად ჩაამთავრა.

ომახიანი ფინიში "საუთჰემპტონს" გამოუვიდა, რომელმაც ასოციაციის თასის ფინალზე ფიქრებში წასული "კრისტალ პალასი" შთანთქა და "ვესტ ჰემსაც" გადაუსწრო, რადგან "ჩაქუჩები" "ბრიტანიაზე" დამარცხდნენ. არადა, "ჩაქუჩებმა" ტაიმი მაიკლ ანტონიოს გოლით მოიგეს, მაგრამ ჟანელი იმბულამ გაათანაბრა, ხოლო 89-ე წუთზე მამე ბირამ დიუფმა გამარჯვებისა შეაგდო.

ეს მოგება "სტოკს" ბევრს არაფერს აძლევდა, გარდა ფსიქოლოგიური მომენტისა, უკანასკნელ პერიოდში კლუბი ცუდად გამოიყურებოდა და ამიტომ თუ სჭირდებოდა გამარჯვება. ფანებმაც გაიხარეს დრამატულ-დაძაბული მატჩით და სეზონის 3 ქულით ჩამთავრებით. სლავენ ბილიჩის კლუბი კი, რომელიც ცოტა ხნის წინ ოთხეულზე ფიქრობდა, საბოლოოდ ექვსეულს მიღმა აღმოჩნდა და მე-7 ადგილზე გავიდა. "უოტფორდი"-"სანდერლენდისა" და "ვესტ ბრომვიჩი"-"ლივერპულის" შეხვედრაზე კი სათქმელი არაფერია, უმოტივაციო კლუბებმა ზავი დადეს და ფრეზე გაიყარნენ.

"მანჩესტერ სიტიმ" ქომაგები ცოტათი ანერვიულა, რადგან კელეჩი იჰეანაჩოს სწრაფი გოლი პირველი ტაიმის მიწურულს ანდრე აიუმ გაქვითა და ბოლო წამებამდე იყო საშიშროება, რომ "თეთრ გედებს" გაეტანათ. ვაიდა, ეს მომხდარიყო, "ქალაქელები", დიდი ალბათობით, ოთხეულში ადგილს დაკარგავდნენ. თუმცა "სიტიმ" ქულა დაიცვა და როგორც ჩანს, მანუელ პელეგრინი პეპ გვარდიოლას ჩემპიონთა ლიგის საგზურს ახვედრებს, ოღონდ საკვალიფიკაციო ეტაპის, სადაც მანჩესტერელებს შეიძლება ძლიერი მეტოქე შეხვდეთ.

თეორიული და მიზერულზე მიზერული შანსი იმისა, რომ "იუნაიტედმა" თანაქალაქელს გადაუსწროს, ჯერ კიდევ არის. "მანჩესტერი"-"ბორნმუთი" სხვა თამაშებთან ერთად უნდა გამართულიყო, მაგრამ გადაიდო, რადგან "ოლდ ტრაფორდზე" ბომბის არსებობის ეჭვი გაჩნდა და ევაკუაცია გახდა საჭირო.

სპეცსამსახურებმა და სამართალდამცველებმა თავიანთი საქმე გააკეთეს და გამოძიებაც დაწყებულია. ეჭვი სერ ალექს ფერგიუსონის ტრიბუნაზე აღმოჩენილ ტვირთზე გაჩნდა. ვნახოთ, რა გაირკვევა…

ზუსტად კი ის ვიცით, რომ ლუი ვან გაალის გუნდმა "ალუბლებს" 19-ბურთიანი სხვაობით უნდა მოუგოს, რომ "სიტის" გარანტირებულად გადაასწროს (კიდევ უფრო მითოლოგიური სცენარით, 18-ბურთიანი სხვაობით მოგებაც საკმარისი იქნება, ოღონდ ჯამში "იუნაიტედს" "სიტიზე" მეტი გოლი უნდა გამოუვიდეს გატანილი, რადგან, როდესაც სხვაობა თანაბარია, შემდეგი კრიტერიუმი გატანილი გოლების რაოდენობაა), რაც არარეალურია, მაგრამ მთავარია, ოცნებების თეატრზე ტერაქტი არ მოხდეს და ოცნება ფანებს შეუძლიათ.

ბოლოს კი ბომბარდირობა მივულოცოთ ჰარი კეინს, "ტოტენჰემის" ფანები ამით მაინც გაიხარებენ. ჯეიმი ვარდიმ და სერხიო აგუერომ ვერ გაიტანეს, კეინმაც უგოლო მატჩი ჩაატარა, მაგრამ 25 ბურთი საკმარისი გამოდგა გამარჯვებისთვის, თუმცა, თუ "მანჩესტერი" 18-19 ბურთიანი უპირატესობით მოიგებს, ხოლო ანტონი მარსიალი აქედან 14-15 ბურთს გაიტანს...

15 მაისი
არსენალი-ასტონ ვილა 4:0
გოლები: 1:0 ჟირუ (5), 2:0 ჟირუ (78), 3:0 ჟირუ (80), 4:0 ბანი (90 ს. კ.)
არსენალი (4-2-3-1): ჩეხი - ბელერინი, პაულისტა, კოშენლი, მონრეალი - კასორლა (88. კემპბელი), კოკელინი - უილშირი (69. ელ-ნენი), იოზილი (88. არტეტა), სანჩესი - ჟირუ
ასტონ ვილა (5-3-2): ბანი - ლიდენი (75. გრილიში), ბაკუნა, ლესკოტი (65. რიჩარდსი), ტონერი, სისოხო - ვესტვუდი, სანჩესი, გუიე - ჯ. აიუ, სინკლერი
გაფრთხილება: - სანჩესი
კუთხური: 5-4; ჯარიმა: 10-6; თამაშგარე: 0-0; კარში დარტყმა: 14-3 (7-3); ბურთის ფლობა: 60%-40%.
მაყურებელი: 60 000

ჩელსი-ლესტერი 1:1
გოლები: 1:0 ფაბრეგასი (66-პენ), 1:1 დრინკვოთერი (82)
ჩელსი (4-2-3-1): კურტუა - ასპილიკუეტა, კეჰილი, ივანოვიჩი (60. ტომორი), ბაბა - ფაბრეგასი, მატიჩი - პედრო (54. ლოფტუს-ჩიკი), ვილიანი, აზარი - ტრაორე (53. აბრაჰამი)
ლესტერი (4-2-3-1): შმეიხელი - სიმპსონი, ვასილევსკი, მორგანი, ფუხსი - დრინკვოთერი, კანტე - მაჰრეზი (80. ოლბრაიტონი), კინგი (46. ოკაზაკი), გრეი (46. შლუპი) - ვარდი
კუთხური: 7-6; ჯარიმა: 5-12; თამაშგარე: 8-0; კარში დარტყმა: 10-14 (5-6); ბურთის ფლობა: 54%-46%.
მაყურებელი: 41 000

სუონსი-სიტი 1:1
გოლები: 0:1 იჰეანაჩო (5), 1:1 ა. აიუ (45)
სუონსი (4-3-3): ნორდფელდტი - რანგელი, ფერნანდესი, ამატი, კინგსლი - კორკი, ბრიტონი, ფერი - რუტლეჯი (58. ბაროვი), ა. აიუ, მონტერო (83. გომისი)
სიტი (4-4-2): ჰარტი - სანია, ოტამენდი, მანგალა, კლიში - ნავასი, ფერნანდო, ფერნანდინიო, დე ბრუინი - იჰეანაჩო (72. ნასრი), აგუერო (90. ტურე)
გაფრთხილება: ბრიტონი - სანია, ოტამენდი, იჰეანაჩო
კუთხური: 4-4; ჯარიმა: 5-19; თამაშგარე: 2-2; კარში დარტყმა: 3-16 (1-4); ბურთის ფლობა: 50%-50%.
მაყურებელი: 20 000

ვესტ ბრომვიჩი-ლივერპული 1:1
გოლები: 1:0 რონდონი (13), 1:1 იბე (23)
ბესტ ბრომვიჩი (4-2-3-1): ფოსტერი - დოუსონი, მაკაული, ოლსონი (46. ჩესტერი), ევანსი - ფლეტჩერი, იაკობი - ლეკო (73. რობერტსი), გარდნერი, მაკლინი (86. ფლეიდი) - რონდონი
ლივერპული (4-3-3): ბოგდანი - ფლანაგანი, შკრტელი, ლეივა, სმიტი - ბრანაგანი, სტიუარტი, ალენი (64. ჰენდერსონი) - იბე (64. ინგსი), ოიო (81. სერხი კანოსი), ბენტეკე
გაფრთხილება: ევანსი, მაკლინი, რობერტსი - სმიტი
კუთხური: 7-5; ჯარიმა: 11-13; თამაშგარე: 1-0; კარში დარტყმა: 8-6 (1-3); ბურთის ფლობა: 33%-67%.
მაყურებელი: 24 000

მანჩესტერი-ბორნმუთი გადაიდო

ევერტონი-ნორვიჩი 3:0
გოლები: 1:0 მაკარტი (19), 2:0 ბეინესი (44-პენ), 3:0 მირალასი (48)
ევერტონი (4-2-3-1): ჰოვარდი - პენინგტონი (29. კენი), სტოუნსი, ჯაგიელკა, ბეინესი - მაკარტი (53. ლენონი), ბერი - მირალასი, დოუელი (69. ბარკლი), ტ. დევისი - ლუკაკუ
ნორვიჩი (4-4-1-1): რუდი - პინტო, ბენეტი (50. ბასონგი), მარტინი, ოლსონი (10. ბრეიდი) - რედმონდი, ონილი, დორანსი, ჯერვისი (71. ჰულეჰენი) - ნეისმითი - ჯერომი
გაფრთხილება: -
კუთხური: 4-11; ჯარიმა: 7-11; თამაშგარე: 1-1; კარში დარტყმა: 15-10 (8-2); ბურთის ფლობა: 46%-54%.
მაყურებელი: 36 691

ნიუკასლი-ტოტენჰემი 5:1
გოლები: 1:0 ვეინალდუმი (19), 2:0 მიტროვიჩი (39), 2:1 ლამელა (60), 3:1 ვეინალდუმი (73-პენ), 4:1 აარონსი (85), 5:1 იანმაატი (86)
ნიუკასლი (4-2-3-1): დარლოუ - იანმაატი, ს. ტეილორი, მბემბა, დამეტი - ტიოტე (62. შელვი), კოლბეკი - ვეინალდუმი (76. აარონსი), მ. სისოკო (84. სტერი), თაუნსენდი - მიტროვიჩი
ტოტენჰემი (4-2-3-1): ლორისი - უოლკერი (71. შადლი), ალდერვეირელდი, ვერტონგენი, ბ. დევისი - დაიერი, მეისონი (56. კეროლი) - ლამელა, სონი (46. ონომა), ერიკსენი - კეინი
გაფრთხილება: აარონსი - მეისონი, ლამელა
გაძევება: მიტროვიჩი (67)
კუთხური: 3-8; ჯარიმა: 7-6; თამაშგარე: 1-1; კარში დარტყმა: 19-17 (10-5); ბურთის ფლობა: 37%-63%.
მაყურებელი: 52 183

საუთჰემპტონი-კრ. პალასი 4:1
გოლები: 1:0 მანე (43), 2:0 პელე (61), 2:1 პანჩონი (64), 3:1 ბერტრანდი (75-პენ), 4:1 ს. დევისი (87)
საუთჰემპტონი (4-2-3-1): ფორსტერი - მარტინა, ვან დეიკი, ფონტე, ბერტრანდი - რომეუ (46. პელე), ვანიამა - მანე, ს. დევისი, ტადიჩი (72. უარდ-პროუსი) - ლონგი (83. ოსტინი)
კრ. პალასი (4-2-3-1): სპერონი - უარდი (82. კელი), მარიაპა, დელეინი, სუარე - იედინაკი, მაკარტური (78. ლი) - პანჩონი, მატჩი (46. კაიკაი), გეილი - ადებაიორი
გაფრთხილება: პელე - უარდი, მაკარტური
კუთხური: 2-5; ჯარიმა: 7-14; თამაშგარე: 2-1; კარში დარტყმა: 18-16 (5-4); ბურთის ფლობა: 50%-50%.
მაყურებელი: 31 313

სტოკი-ვესტ ჰემი 2:1
გოლები: 0:1 ანტონიო (23), 1:1 იმბულა (55), 2:1 დიუფი (88)
სტოკი (4-2-3-1): გივენი - კამერონი (80. ბერდსლი), შოუკროსი, უოლშაიდი, პიეტერსი - უელანი, იმბულა - უოლტერსი, კრკიჩი (78. ადამი), არნაუტოვიჩი - ხოსელუ (74. დიუფი)
ვესტ ჰემი (4-4-2): რენდოლფი - ტომკინსი (86. მოსესი), რიდი, ოგბონა, კრესველი - ანტონიო, ნობლი, კუაიტე, ლანსინი - სახო (61. ემენიკე), კეროლი (67. ე. ვალენსია)
გაფრთხილება: იმბულა, დიუფი, გივენი - კუიატე
კუთხური: 4-10; ჯარიმა: 8-12; თამაშგარე: 6-2; კარში დარტყმა: 7-19 (4-6); ბურთის ფლობა: 47%-53%.
მაყურებელი: 27 721

უოტფორდი-სანდერლენდი 2:2
გოლები: 0:1 როდუელი (39), 1:1 პრიოდლი (48), 1:2 ლენსი (51), 2:2 დინი (61-პენ)
უოტფორდი (4-4-2): გომესი - კეზკარტი (46. პარედესი), პრიოდლი, კაბრერა, აკე - აბდი (66. მ. სუარესი), გუედიორა, უოტსონი, ხურადო (80. ამრაბატი) - იგალო, დინი
სანდერლენდი (4-2-3-1): პიკფორდი - იედლინი (76. ჯონსი), კონე, ოში, რობსონი - ლარსონი (62. მვილა), როდუელი - უატმორი, ლენსი, გრინვუდი (52. ჰანიმენი) - ნდოი
გაფრთხილება: გუედიორა -
კუთხური: 7-4; ჯარიმა: 11-10; თამაშგარე: 1-4; კარში დარტყმა: 21-6 (6-4); ბურთის ფლობა: 54%-46%.
მაყურებელი: 21 012

ბომბარდირები: 25 - ჰარი კეინი (ტოტენჰემი); 24 - ჯეიმი ვარდი (ლესტერი), სერხიო აგუერო (სიტი); 18 - რომელუ ლუკაკუ (ევერტონი); 17 - რიად მაჰრეზი (ლესტერი).

ყოველდღიური სპორტული გაზეთი "ლელო"