"მანჩესტერ იუნაიტედმა" გუნდის მთავარი მწვრთნელი ლუი ვან გაალი გაათავისუფლა. ამის შესახებ ბრიტანული გამოცემა The Telegraph-ი წერს.წყაროს ცნობით, კლუბს ასევე ტოვებს სამი ჰოლანდიელი მწვრთნელი, რომლებიც ვან გაალთან ერთად მოვიდნენ გუნდში.
ვადამდე ადრე კონტრაქტის გაწყვეტისთვის ჰოლანდიელი სპეციალისტი 5 მილიონ ფუნტს მიიღებს. ამასთან ერთად, ვან გაალი ინგლისის ასოციაციის თასის მოგებისთვის 400 000 ფუნტს მიიღებს.
"მანჩესტერ იუნაიტედი" ოფიციალურ განცხადებას ჩვენი დროით 16:00 საათზე გაავრცელებს. სავარაუდოდ, ვან გაალს ჟოზე მოურინიო შეცვლის.
