იტალიურ სპორტულ მედიაში გავრცელდა ცნობები, რომ "ინტერმა" დიეგო სიმეონეს კონკრეტული წინადადებით მიმართა და 5-წლიანი კონტრაქტი შესთავაზა, რომლის განმავლობაშიც არგენტინელს 55 მილიონი ევრო უნდა აეღო. "გაძეტა დელო სპორტის" ინფორმაციით, ეს საკითხი "ინტერის" სპორტულმა დირექტორმა პიერო აუზილიომ და დიეგო სიმეონეს აგენტმა განიხილეს. არგენტინელმა მწვრთნელმა მოსაფიქრებლად 20-დღიანი ვადა მიიღო, თუმცა, როგორც ავტორიტეტული გამოცემა იუწყება, სიმეონეს არ დასჭირდა 20 დღე და მილანელებს უარი მალევე შეუთვალა. დიახ, დიეგომ "ინტერის" გაწვრთნა არ ისურვა და მილანელებს ახალი კანდიდატები ჰყავთ შესარჩევი.
ნაკლებად სავარაუდოა, რომ მილანელებმა მეორე ყველაზე სასურველ
იტალიური მედიის ინფორმაციით, მილანელები ორ ვარიანტს ამუშავებენ: ლუჩანო სპალეტი და მარსელინიო - პირველი "რომას" მესაჭეა, მაგრამ შესაძლოა, ზაფხულში დატოვოს დედაქალაქური გუნდი, მეორე კი ძირითადად ესპანეთში მუშაობდა; ბოლოს "ვილიარეალს" ედგა სათავეში, იქამდე კი - "სევილიას", "რასინგს" და "სარაგოსას". ვნახოთ, რა გადაწყვეტილებას მიიღებენ მილანელები...
ყოველდღიური სპორტული გაზეთი "ლელო"
