"იუვენტუსის" და იტალიის ნაკრების ყოფილი ფეხბურთელი, ლეგენდარული ალესანდრო დელ პიერო ამჟამად ინდოეთში ასპარეზობს და როგორც ჩანს, კარიერას სწორედ ამ ქვეყანაში დაასრულებს. 40 წლის ალექსს "კორიერე დელო სპორტი" შეეხმიანა და სამომავლო გეგმებზე გაესაუბრა, პასუხად კი შემდეგი მიიღო:
"რას გავაკეთებ საფეხბურთო კარიერის დასრულების შემდეგ? - ამაზე ბევრს ვფიქრობ, თუმცა კონკრეტული პასუხი ჯერ არ მაქვს. ერთი დანამდვილებით ვიცი, ჩემი ცხოვრება ისევ ფეხბურთთან იქნება დაკავშირებული.
მწვრთნელობას თუ ვაპირებ? - ამაზეც ვფიქრობ და ნამდვილად ვერ გამოვრიცხავ".
(იბეჭდება მცირე ცვლილებით)
ყოველდღიური სპორტული გაზეთი "ლელო"
