იტალიური საფეხბურთო კლუბი "მილანი" და არაბული ავიაკომპანია Fly Emirates-ი მზად არიან, კლუბის ახალი სტადიონის მშენებლობის საკითხში ითანამშრომლონ. "როსონერის" ვიცე-პრეზიდენტის, ბარბარა ბერლუსკონის თქმით, სპონსორი ამ მიმართულებით მილანურ კლუბს მნიშვნელოვანი დახმარების გაწევას ჰპირდება.
"იტალიაში სტადიონის აშენება იოლი არაა. გვსურს, ამ მიმართულებით გავაგრძელოთ მუშაობა და პროცესში კომპანია Fly Emirates-ი ჩავრთოთ. კარგი იქნება, თუ ახალ სტადიონზე ერთად ვიზრუნებთ", - თქვა ბარბარამ.
"ყველაფერი შესაძლებელია. გარიგება, რომელიც "არსენალის" სტადიონთან დაკავშირებით შედგა, ჩვენთვის ძალიან მნიშვნელოვანი იყო. ახლა კი გადავწყვეტთ, შევიძენთ თუ არა "მილანის" არენისთვისაც სახელის დარქმევის უფლებას.
შეგახსენებთ, რომ ახლახან "მილანი" და Fly Emirates-ი ახალ, 90 მლნ ევროს ოდენობის კონტრაქტზე შეთანხმდნენ.
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
