"სასუოლო" "მილანისთვის" მეტად უხერხული მეტოქეა, რაც სერია A-ს მე-17 ტურშიც დადასტურდა, როდესაც "ნერივერდემ" "როსონერი" მისსავე მოედანზე დაამარცხა. ეს გუნდები იტალიის თასის მერვედფინალშიც შეხვდნენ ერთმანეთს და ამჯერად, ფილიპო ინძაგის გუნდმა იძალა - 2:1. შედეგად, "მილანი" იტალიის თასის მეოთხედფინალურ ეტაპზე გავიდა. ინძაგიმ 4-3-3 ტაქტიკა აირჩია და შეტევის წინა ხაზზე სტეფან ელ შაარავი, ალესიო ჩერჩი და ჯამპაოლო პაცინი გაამწესა. საგულისხმოა, რომ "როსონერის" ძირითად შემადგენლობაში ერთბაშად 8 იტალიელი იყო.
"სასუოლომაც" დაზოგა ლიდერები - მხოლოდ მეორე ნახევარში გამოჩნდნენ მინდორზე სიმონე ძაძა და დომენიკო ბერარდი. მატჩი
მატჩის შემდეგ ფილიპო ინძაგი გახარებული ჩანდა: "იტალიის თასი ჩვენთვის უმნიშვნელოვანესი ტურნირია, რადგან გვაქვს შანსი, ტიტული მოვიგოთ. თავი არ დავზოგეთ, მთლიანობაში მეტოქეზე უკეთ ვითამაშეთ და შედეგიც შესაბამისი მივიღეთ".
ყოველდღიური სპორტული გაზეთი "ლელო"
![ჩემპიონთა ლიგა. პლეი-ოფი: "ბაიერნმა", "ბრიუგემ", "ბენფიკამ" და "ფეიენოორდმა" გაიმარჯვეს [VIDEO]](/pictures/image7/ba8bb0910f94439e21ec54e961594824.jpeg "ჩემპიონთა ლიგა. პლეი-ოფი: \"ბაიერნმა\", \"ბრიუგემ\", \"ბენფიკამ\" და \"ფეიენოორდმა\" გაიმარჯვეს [VIDEO]")
