იტალიის თასზე კიდევ ორი მეოთხედფინალისტის ვინაობა გაირკვა - "ფიორენტინამ" "ატალანტა" 3:1 დაამარცხა, ხოლო "ინტერმა" "სამპდორიას" 2:0 მოუგო.
"სან სიროზე" გამართულ შეხვედრაში სტუმრები კაცნაკლულნი უკვე მე-12 წუთზე დარჩნენ - მსაჯმა "სამპდორიას" ნანად კრსტიჩიჩი გაუძევა.
37-ე წუთზე მაურო იკარდის ანგარიშის გახსნის კარგი შანსი მიეცა, თუმცა პენალტიდან ვერ გაიტანა.
"ინტერმა" 71-ე წუთზე მაინც შეაგდო - ამ გუნდის რიგებში პირველი გოლი იზეიმა შერდან შაკირიმ. რამდენიმე წუთის შემდეგ გენუელებს კიდევ ერთი ფეხბურთელი გაუძევეს - მეორე გაფრთხილების გამო მოედანი პაველ ვშოლეკმა დატოვა. საბოლოო ანგარიში კი მატჩის დასრულებამდე ორი წუთით ადრე იკარდიმ დააფიქსირა.
თასის 1/4-ფინალში "ინტერი" 22 იანვარს გასამართ "ნაპოლი"-"უდინეზეს" მატჩში გამარჯვებულს დაუპირისპირდება.
რაც შეეხება ფლორენციაში გამართულ შეხვედრას, "ფიორენტინა" უკვე მე-6 წუთზე მარიო გომესმა დააწინაურა, ხუთიოდე წუთის შემდეგ კი პენალტიდან ხუან კუადრადომ გაიტანა. მალევე გომესმა დუბლი შეასრულა (28) და უპირატესობა სამბურთიანი გახადა.
"ატალანტამ" მხოლოდ ერთის გაქვითვა შეძლო - ტაიმის დასრულებამდე ხუთი წუთით ადრე როლანდო ბიანკიმ გაიტანა.
აღსანიშნავია, რომ ფლორენციელებმა მატჩი 10 კაცით ჩაამთავრეს - მსაჯმა მეორე გაფრთხილების გამო მოედანი მარკოს ალონსოს დაატოვებინა.
ამრიგად, "ფიორენტინა" იტალიის თასის 1/4-ფინალშია და 4 თებერვალს დედაქალაქში "რომას" დაუპირისპირდება.
10:05 22-01-2015
ინტერი-სამპდორია 2:0 - ცნობილია კიდევ ორი ნახევარფინალისტი [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
