ტურინის "იუვენტუსის" ხორვატმა ფორვარდმა მარიო მანჯუკიჩმა ტრავმა მოიშუშა და გუნდთან ერთად ვარჯიშობს.აღნიშნულ ინფორმაციას Football Italia ავრცელებს.
წყაროს ინფორმაციით, 29 წლის ხორვარტი ჩემპიონთა ლიგის 1/8-ფინალურ შეხვედრაშიც მიიღებს მონაწილეობას. შეგახსენებთ, რომ 1/8-ფინალში ტურინელები მიუნხენის "ბაიერნს" დაუპირისპირდებიან. პირველი შეხვედრა 23 თებერვალს ტურინში გაიმართება.
მიმდინარე სეზონში ჩატარებულ 25 შეხვედრაში ხორვატი ფორვარდის ანგარიშზე 10 გოლია.
