ავტორიტეტულმა იტალიურმა გამოცემა La Gazzetta dello Sport-მა სერია A-ში ყველაზე მაღალ ანაზღაურებადი ფეხბურთელების სია გამოაქვეყნა. პირველ ადგილზე ტურინის "იუვენტუსის" თავდამსხმელი გონსალო იგუაინია, რომელიც წელიწადში 7,5 მლნ ევროს გამოიმუშავებს. არგენტინელმა უკან ჩამოიტოვა "რომას" ნახევარმცველი დანიელე დე როსი, რომელიც წელიწადში 6,5 მლნ ევროს იღებს და ბოლო წლებში ამ რეიტინგს ლიდერობდა.
რაც შეეხება ლიგის მაღალანაზღაურებად მწვრთნელებს, აქაც პირველ ადგილს "იუვენტუსის" წარმომადგენელი იკავებს - მასიმილიანო ალეგრის ხელზე ასაღები წლიური ხელფასი 5 მლნ ევროს შეადგენს. მეორე ადგილზე 3 მლნ ევროთი "რომას" თავკაცი ლუჩანო სპალეტია.
