სერია A. IV ტური: "ინტერის" დიდი გამარჯვება [VIDEO]

* ჯო ჰარტმა იტალიაში პირველად შეინახა კარი მშრალად.
* 2015 წლის აპრილის შემდეგ პირველად მოხდა, რომ "იუვენტუსმა" დათმო ჩემპიონატის მატჩი, რომელშიც თავიდან დაწინაურდა. მაშინ ეს "ტორინომ" მოახერხა, ახლა "ინტერმა".
* მაურო იკარდიმ მონაწილეობა მიიღო "ინტერის" ყველა გოლში ამ ჩემპიონატში - 4 გაიტანა და 1 პასი გააკეთა.

სერია A-ს მესამე ტური ჯერ კიდევ პარასკევს დაიწყო, როდესაც გენუაში "სამპდორიამ" ‘მილანს" უმასპინძლა და მინიმალური სხვაობით დამარცხდა. მთავარი მატჩი "ჯუზეპე მეაცაზე" გაიმართა, სადაც "ინტერი’ "იუვენტუსს" დაუხვდა, ეს კი არც მეტი, არც ნაკლები, დიდი იტალიური დერბია...

"მილანში" თუ ვინმეს გააქვს, ეს კარლოს ბაკაა და ამჯერადაც, ლომბარდიელებმა სწორედ მისი გოლით მოიგეს. კოლუმბიელი სათადარიგოთა სკამზე იყო, მეორე ნახევარში ჩაერთო თამაშში და მატჩის დასრულებამდე ხუთიოდე წუთით ადრე, გამარჯვების გოლი შეაგდო - ბაკა მეტოქის საჯარიმოში შეიჭრა, მეკარესთან პრაქტიკულად პირისპირ დარჩა და მისგან შორეული კუთხე დალაშქრა.

იქამდე უფრო გენუელები ფლობდნენ უპირატესობას და რამდენიმე კარგი შანსი ჰქონდათ, მაგრამ ჯანლუიჯი დონარუმა იყო მოწოდების სიმაღლეზე. მთლიანობაში, მატჩი ისეთივე მძიმე გამოვიდა, როგორიც "სტადიო მარასის" მინდორი იყო გადატანილი შტორმის შემდეგ, რის გამო წინა კვირას "ჯენოა"-"ფიორენტინას" ჯახი გადაიდო.

მოკლედ, "მილანმა" სამი ქულა ჩაიწერა აქტივში, მაგრამ გუნდის თამაში რბილად რომ ვთქვათ, უკეთესის სურვილს ტოვებს და ამაზე მატჩის შემდეგ, ვინჩენცო მონტელამაც ისაუბრა:

"უმნიშვნელოვანესი მატჩი მოვიგეთ და ბუნებრივია, სამმა ქულამ ძალიან გამახარა. თუმცა, თამაშში კვლავინდებურად ბევრი ხარვეზია, რომელთა აღმოფხვრა აუცილებელია. წინააღმდეგ შემთხვევაში, გაგვიჭირდება მიზნის მიღწევა და ევრეოსაგზურის მოპოვება. "სამპდორია" შესანიშნავი გუნდია, ჩემპიონატში კარგი სტარტი აიღო და დარწმუნებული ვარ, რომ გენუაში ბევრი დარჩება ხელმოცარული".


არკადიუშ მილიკს უკვე თამამად ადარებენ გონსალო იგუაინს, რადგან 22 წლის პოლონელი ფორვარდი უბრალოდ შეუჩერებელია. თავად განსაჯეთ, მილიკმა "ნაპოლის" შემადგენლობაში 5 მატჩი გამართა და 6 გოლი შეაგდო. ამჯერად, ნეაპოლელებმა "ბოლონიას" უმასპინძლეს და დამაჯერებელი ანგარიშით სძლიეს მეტოქეს, 3:1.

ანგარიში ხოსე კალეხონმა გახსნა, რომელმაც ლორენცო ინსინიეს პასი შეირგო და თავური დარტყმით მეკარე მოძრაობაზე დაიჭირა. საპასუხო სიმონე ვერდიმ შეაგდო, რომელმაც უძლიერესი დარტყმით, დაახლოებით 30 მეტრიდან დალაშქრა მეტოქის კარი. შემდეგ მილიკის ჯერი დადგა, რომელიც ჯერ მეკარესთან პირისპირ დარჩა და ტექნიკური დარტყმით გადაატარა ბურთი თავზე, შემდეგ კი საჯარიმოს გარედან გამოზომილი დარტყმით მოათავსა ბურთი მეკარისაგან ახლო დაბალ კუთხეში.

მოკლედ, მატჩის გმირად პოლონელი იქცა და რა გასაკვირია, რომ პრესკონფერენციაზე ნეაპოლელთა მწვრთნელმა მაურიციო სარიმ სწორედ მასზე გაამახვილა ყურადღება:

"გუნდი კარგ ფორმაშია და რაც მთავარია, ვუმატებთ. იგუაინის წასვლის შემდეგ, ბევრმა ჩამოგვწერა, მაგრამ ჩვენ ასე იოლად არ დავნებდებით. "ბოლონია" კარგად ორგანიზებული გუნდია და ვიცოდი, რომ რთული მატჩი გველოდა. მილიკი რომ შესანიშნავი ფეხბურთელია, ეს ვიცოდი და ამიტომაც გადმოვიყვანეთ, მაგრამ ასე მალე თუ დაიწყებდა გოლების გატანას, არ მეგონა. არკადიუში გუნდის მთავარი დამრტყმელი ძალა ხდება და ეს ძალიან მახარებს. მილიკის სახით, იტალიურ ფეხბურთში ნიჭიერი ფორვარდი გამოჩნდა, რომელსაც შეუძლია რომ ვარსკვლავი გახდეს".

სიმონე ინძაგის თავკაცობით, "ლაციომ" კიდევ ერთი მატჩი მოიგო და ამჯერად, საკუთარ კედლებში "პესკარა" გაანადგურა - 3:0. რომაელებმა სამივე გოლი მეორე ნახევარში, 10-წუთიან მონაკვეთში გაიტანეს, იქამდე კი სტუმრებმა თერთმეტმეტრიანი ვერ გამოიყენეს.

რომაელთაგან თითო გოლი სავიჩმა, რადუმ და იმობილემ გაიტანეს - პირველმა ორმა შესანიშნავი თავური დარტყმებით, მესამემ კი ფეხით, მას შემდეგ, რაც კეიტამ გაარღვია ფლანგი და ფორვარდს იდეალურად უპასა. "ლაციოს" კიდევ შეეძლო გატანა და მთლიანობაში, ინძაგის გუნდმა აშკარად დაჯაბნა მეტოქე.

"სასუოლო" აღარ ხუმრობს, რადგან ევროპალიგაზე მოპოვებული გამარჯვების შემდეგ, ამ გუნდმა სერია A-შიც ივარგა და საკუთარ მოედანზე, "ჯენოას" ორი უპასუხო გოლი შეუგდო. თავი დეფრელმა და პოლიტანომ გამოიჩინეს, რომლებიც ბრწყინვალე სეზონს ატარებენ. ეუსებიო დი ფრანჩესკოს გუნდმა სეზონი შესანიშნავად დაიწყო.

დიდ იტალიურ დერბიში მთავარი მოვლენები მეორე ტაიმში განვითარდა. 66-ე წუთზე, "იუვენტუსმა" მარცხენა ფრთიდან გაჭრა შეტევა, ალექს სანდროს ჩაწოდებას კი შტეფან ლიხტშტაინერი გამოეხმაურა და ერთი შეხებით გადაგზავნა ბურთი მილანელთა კარის ჩარჩოში.

მოკლედ, ტურინული გოლი ფლანგებმა გამოძერწეს და ზოგადად, "იუვე" მეტწილად სწორედ ფრთებიდან ცდილობდა თამაშის გამწვავებას. "ინტერი" მალევე მოეგო გონს და ორ წუთში ანგარიში გაათანაბრა - კუთხურს მაურო იკარდის შედეგიანი თავური მოჰყვა. ათიოდე წუთში, უკვე ივან პერიშიჩის თავურმა უწია მიზანს, რომელიც მეორე ნახევარში ჩაერთო თამნაშში და საბოლოოდ, 2:1 "ინტერის" სასარგებლოდ.

ერთი სიტყვით, კრიზისში მყოფმა "ინტერმა" მრისხანე "იუვეს" სძლია და ამით, ჩემპიონატი აშკარად გაამწვავა. ფრანკ დე ბურის გუნდმა დაამტკიცა, რომ დაუმარცხებელი არავინაა, თვით "იუვეც" კი.

სერია A. IV ტური
16 სექტემბერი
სამპდორია-მილანი 0:1
გოლი: 0:1 ბაკა (85)
სამპდორია (4-3-3): ვივიანო - სალა (31. პერეირა), სილვესტრი, სკრინიარი, რეჯინი - ტორეირა, ლინეტი, ბარეტო (88. შიკი) - პრაეტი (69. ფერნანდესი), მურიელი, კვალიარელა
მილანი (4-3-3): დონარუმა - აბატე, პალეტა, რომანიოლი, კალაბრია - სოსა (57. ლოკატელი), მონტოლივო, ბონავენტურა - ნიანგი, სუსო (90. გომესი), ლაპადულა (64. ბაკა)
გაფრთხილება: მურიელი, Pერეირა - დონარუმა, Bონავენტურა, ლაპადულა
კუთხური: 8-5; ჯარიმა: 11-14; თამაშგარე: 3-5; კარში დარტყმა: 9-4 (4-1); ბურთის ფლობა: 54%-46%.
მაყურებელი: 25 000

17 სექტემბერი
ლაციო-პესკარა 3:0
გოლები: 1:0 სავიჩი (67), 2:0 რადუ (72), 3:0 იმობილე (76)
ლაციო (3-5-2): მარკეტი - ბასტოსი, დე ვრი, რადუ - ანდერსონი (73. ბასტა), პაროლო, კატალდი, სავიჩი (81. მურჯა), ლულიჩი - ჯორჯევიჩი (60. კეიტა), იმობილე
პესკარა (4-3-2-1): ბიძარი - ძამპანო, გომბერი (49. ფორნაზიერი), კამპანიარო, ბირაგი - კრისტანტე (73. მიტრიტა), ბრუგმანი, მემუშა - ბენალი (46. მანა), ვერე - კაპრარი
გაფრთხილება: რადუ, ბასტოსი - კამპანიარო, ვერე
კუთხური: 11-2; ჯარიმა: 11-14; თამაშგარე: 4-2; კარში დარტყმა: 20-7 (12-5); ბურთის ფლობა: 56%-44%.
მაყურებელი: 25 000

ნაპოლი-ბოლონია 3:1
გოლები: 1:0 კალეხონი (14), 1:1 ვერდი (56), 2:1 მილიკი (67), 3:1 მილიკი (78)
ნაპოლი (4-3-3): რეინა - ჰიუსაი, ალბიოლი, კულიბალი, სტრინიჩი (67. გულამი) - ზელინსკი, ჟორჟინიო (74. ალანი), ჰამშიკი - ინსინიე, კალეხონი, გაბიადინი (61. მილიკი)
ბოლონია (4-2-3-1): და კოსტა - კრაფტი, გასტალდელო, ოიკონომუ, ტოროსიდისი (83. მაზინა) - ტაიდერი, ჯემაილი - დი ფრანჩესკო, კრეიჩი (74. რიცო), ნაგი (61. დონსა) - ვერდი
გაფრთხილება: ტაიდერი (ბოლონია)
გაძევება: კრაფტი (81. ბოლონია)
კუთხური: 6-3; ჯარიმა: 11-7; თამაშგარე: 2-6; კარში დარტყმა: 15-5 (7-2); ბურთის ფლობა: 58%-42%.
მაყურებელი: 40 000

18 სექტემბერი
უდინეზე-კიევო 1:2
გოლები: 1:0 საპატა (25), 1:1 კასტრო (82), 1:2 კაჩატორე (90)
უდინეზე (4-3-1-2): კარნეზისი - ვაგუე, დანილო, ფელიპე, არმერო -კუმსი, ბადუ, ალფრედსონი (65. კონე) - დე პაული (76. ევანჯელისტა) - ტერო (87. პერიცა), საპატა
კიევო (4-3-1-2): სორენტინო - კაჩატორე, ცეზარი, დაინელი, გობი - კასტრო, რადოვანოვიჩი, ჰეტემაი - ბირსა (88. დე გუზმანი) - მეჯორინი (68. ფლორო ფლორესი), ინგლეზე (63. პელისიერი)
გაფრთხილება: ალფრედსონი, კონე, პერიცა - ცეზარი, დაინელი, კაჩატორე, რადოვანოვიჩი
კუთხური: 4-7; ჯარიმა: 15-19; თამაშგარე: 0-0; კარში დარტყმა: 7-14 (4-6); ბურთის ფლობა: 43%-57%.
მაყურებელი: 16 000

კალიარი-ატალანტა 3:0
გოლები: 1:0 ბორიელო (8), 2:0 საუ (55), 3:0 ბორიელო (73)
კალიარი (4-3-1-2): რაფაელი - პიზაკანე (79. ბიტანტე), ალვეში, კაპიტელი, მურუ - ისლა (83. მუნარი), პანაიოტისი, პადოინი - პედრო (63. ბარელა) - საუ, ბორიელო
ატალანტა (3-5-2): ბერიშა - მაზიელო (46. დალესანდრო), ტოლოი, ზუკანოვიჩი - კონტი, კესიე, კურტიჩი (56. გალიარდინი), კარმონა (59. გრასი), კონკო - გომესი, პალოსკი
გაფრთხილება: პიზაკანე, ბიტანტე - ტოლოი, კარმონა
კუთხური: 2-4; ჯარიმა: 10-19; თამაშგარე: 4-1; კარში დარტყმა: 10-9 (8-3); ბურთის ფლობა: 41%-59%.
მაყურებელი: 15 000

კროტონე-პალერმო 1:1
გოლები: 1:0 ტროტა (23), 1:1 ნესტოროვსკი (66)
კროტონე (3-4-3): კორდაცი - ჩეკერინი, კლეიტონი, ფერარი - კაპეცი (74. ბარბერიზი), როდენი, კრიზეტიგი, მარტელა (70. სამპირიზი) - ტროტა, ფალჩინელი, პალადინო (80. სტოიანი)
პალერმო (4-3-3): პოსავეცი - რისპოლი, გონსალესი, რაიკოვიჩი (29. გოლდანიგა), ალესაამი - ჰილემარკი, გაცი, ენრიკე - ნესტოროვსკი, დიამანტი (86. ანდელკოვიჩი), შალაი (46. ემბალო)
გაფრთხილება: კლეიტონი, კრიზეტიგი, კაპეცი - გოლდანიგა, ანდელკოვიჩი
კუთხური: 3-7; ჯარიმა: 19-8; თამაშგარე: 2-6; კარში დარტყმა: 6-10 (1-5); ბურთის ფლობა: 37%-63%.
მაყურებელი: 1 000

სასუოლო-ჯენოა 2:0
გოლები: 1:0 პოლიტანო (58-პენ.), 2:0 დეფრელი (66)
სასუოლო (4-3-3): კონსილი - ლიროლა, აჩერბი, ანტეი, პელუზო - პელეგრინი (66. ბიონდინი), მანიანელი, დანკანი - პოლიტანო, რაგუზა (46. რიჩი), დეფრელი (81. მატრი)
ჯენოა (3-4-3): პერინი - იძო, ბურდისო, ორბანი - ლაზოვიჩი (71. სიმეონე), ველოზო, რინკონი, ლაქსალტი - რიგონი (59. პანდევი), გაკპე (74. ოკამპოსი), პავოლეტი
გაფრთხილება: ორბანი, პავოლეტი (ჯენოა)
გაძევება: ველოზო (86. ჯენოა)
კუთხური: 3-8; ჯარიმა: 15-17; თამაშგარე: 1-3; კარში დარტყმა: 9-12 (5-5); ბურთის ფლობა: 43%-57%.
მაყურებელი: 12 000

ტორინო-ემპოლი 0:0
ტორინო (4-3-3): ჰარტი - დე სილვესტრი, ბოვო, კასტანი, მოლინარო (32. ბარეკა) - ასკუა, ვალდიფიორი, გობი (72. ბაზელი) - იაგო (65. ძაპაკოსტა), მარტინესი, ბოიე
ემპოლი (4-3-1-2): სკორუპსკი - ლაურინი, ბელუში, კოსტა (44. ბარბა), პასკუალი - ტელიო, მაური (56. ელ ჰაჯი), კროჩე - საპონარა (76. კრუნიჩი) - პუჩარელი, ჯილარდინო
გაფრთხილება: მოლინარო, ვალდიფიორი, ბოიე, ბაზელი - ბელუში, ტელიო, ელ ჰაჯი
კუთხური: 8-5; ჯარიმა: 19-7; თამაშგარე: 5-3; კარში დარტყმა: 13-7 (5-4); ბურთის ფლობა: 48%-52%.
მაყურებელი: 20 000

ინტერი-იუვენტუსი 2:1
გოლები: 0:1 ლიხტშტაინერი (66), 1:1 იკარდი (68), 2:1 პერიშიჩი (78)
ინტერი (4-2-3-1): ჰანდანოვიჩი - დამბროზიო, მურილიო, მირანდა, სანტონი (79. მიანგე) - ჟოაო მარიო, მედელი (75. მელო) - კანდრევა, ბანეგა, ედერი (69. პერიშიჩი) - იკარდი
იუვენტუსი (3-5-2): ბუფონი - ბენატია (26. ბარძალი), ბონუჩი, კიელინი (80. პიაცა) - ლიხტშტაინერი, ხედირა, პიანიჩი, ასამოა, სანდრო - დიბალა, მანჯუკიჩი (74. იგუაინი)
გაფრთხილება: მედელი, ჰანდანოვიჩი - ლიხტშტაინერი, ასამოა, ბარძალი
გაძევება: ბანეგა (90. ინტერი)
კუთხური: 5-4; ჯარიმა: 12-18; თამაშგარე: 0-2; კარში დარტყმა: 14-5 (4-2); ბურთის ფლობა: 49%-51%.
მაყურებელი: 80 000

ფიორენტინა-რომა 1:0
გოლი: 1:0 ბადელი (82)
ფიორენტინა (3-4-3): ტატარუშანუ - ტომოვიჩი, ასტორი, გონსალო - ტელიო (64. ბერნარდესკი), ბადელი, სანჩესი, მილიჩი - ბორხა ვალერო, ილიჩიჩი (76. ბაბაქარი), კალინიჩი (84. კრისტოფორო)
რომა (4-3-3): სჩესნი - ფლორენცი, მანოლასი, ფაციო, პერესი - ნაინგოლანი (85. იტურბე), დე როსი, სტროტმანი - სალაჰი (67. ელ შაარავი), პეროტი (78. ტოტი), ჯეკო
გაფრთხილება: სანჩესი - ფლორენცი
კუთხური: 5-6; ჯარიმა: 10-11; თამაშგარე: 1-1; კარში დარტყმა: 8-14 (4-3); ბურთის ფლობა: 46%-54%.
მაყურებელი: 28 000

ბომბარდირები: 5 - ხოსე კალეხონი (ნაპოლი); 4 - ანდრეა ბელოტი (ტორინო), არკადიუშ მილიკი (ნაპოლი), კარლოს ბაკა (მილანი), მაურო იკარდი (ინტერი); 3 - დიეგო პეროტი (რომა), ფრანც კესიე (ატალანტა), გონსალო იგუაინი (იუვენტუსი).

მომდევნო ტური
20 სექტემბერი:
მილანი-ლაციო

21 სექტემბერი:
ბოლონია-სამპდორია, ატალანტა-პალერმო, კიევო-სასუოლო, ემპოლი-ინტერი, ჯენოა-ნაპოლი, იუვენტუსი-კალიარი, პესკარა-ტორინო, რომა-კროტონე, უდინეზე-ფიორენტინა.

ყოველდღიური სპორტული გაზეთი "ლელო"