მილანის "ინტერის" მთავარი მწვრთნელის ვაკანტურ თანამდებობაზე მთავარი პრეტენდენტები გუს ჰიდინკი და სტეფანო პიოლი არიან. ამის შესახებ იტალური გამოცემა La Gazzetta dello Sport-ი იუწყება.იქამდე კი, სანამ ახალი მთავარი მწვრთნელი დაინიშნება, უახლოეს მატჩებში: ევროპალიგაზე "საუთჰემპტონთან", ხოლო სერია A-ში "კროტონესთან", "ინტერს" ახალგაზრდული გუნდის თავკაცი სტეფანო ვეკი უხელმძღვანელებს.
შეგახსენებთ, რომ მილანის "ინტერის" მთავარი მწვრთნელის პოსტი ახლახან ფრანკ დე ბურმა დატოვა. ამჟამად გუნდს იტალიის ჩემპიონატის სატურნირო ცხრილში მე-14 ადგილი უკავია.
ჰიდინკი ბოლოს ლონდონის "ჩელსიში" მუშაობდა, პიოლი კი - რომის "ლაციოში".
