"მილანის" ოფიციალური ვებგვერდი იუწყება, რომ 2 დეკემბერს შედგება კლუბის დირექტორთა საბჭოს შეხვედრა, რომელსაც დაესწრებიან ჩინური კონსორციუმის წარმომადგენლები. ამ შეხვედრაზე დასრულდება ხანგრძლივი მოლაპარაკების პროცესი და "მილანის" აქციათა საკონტროლო პაკეტი ჩინური კომპანიის ხელში გადავა. თუ მოლაპარაკების დასკვნითი პროცესი 2 დეკემბერს ვერ დასრულდა, კიდევ ერთი შეხვედრა 13 დეკემბერს შედგება და იქ კი გარიგება ყველა მიზეზგარეშე უნდა დასრულდეს.
თუმცა, წინასწარი მოლოდინით, პროცესი 2 დეკემბერსვე დასრულდება და კლუბი აზიელების ხელში გადავა. ამ თემაზე კიდევ ერთი კომენტარი გააკეთა ჯერ კიდევ "მილანის" გენერალურმა დირექტორმა ადრიანო გალიანიმ და
"დიახ, ასეა და 2 დეკემბერს მოლაპარაკების პროცესი დასრულდება. ეს არის ჩემი ბოლო დღეები და ბოლო კვირები "მილანის" გენერალური დირექტორის პოსტზე. კლუბში მოდის ახალი ხალხი და მინდა, მათ დიდი წარმატება ვუსურვო. მე ვრჩები გუნდის უდიდეს გულშემატკივრად, ჩემი სამომავლო გეგმების შესახებ კი მოგვიანებით ვისაუბრებ. ერთი ცხადია, რომ ფეხბურთში დავრჩები".
ყოველდღიური სპორტული გაზეთი "ლელო"
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
