მუნდიალი 2018. შესარჩევი. III ტურის წინ: "ამსტერდამ არენაზე" სნეიდერის გარეშე

დღეს მუნდიალის შესარჩევი ციკლის III ტურის მატჩები კიდევ სამ ჯგუფში გაგრძელდება. რა თქმა უნდა, დღის მთავარი მატჩი "ამსტერდამ არენაზე" გაიმართება, სადაც დანი ბლინდის ნაკრები დიდიე დეშამის "მამლებს" მასპინძლობს.

ჰოლანდიის ნაკრებში ვერ ითამაშებს ვესლი სნეიდერი, რომელმაც ბელორუსთან მატჩში ტრავმა მიიღო. "ორანიემ" 4:1 დაამარცხა მეტოქე, მაგრამ გუნდის კაპიტანი შესვენების შემდეგ აღარ დაბრუნებულა.

"ვფიქრობ, ვესლის შანსი ძალიან, ძალიან მცირეა. ჩვენ გვყავს დევი კლაასენი და გვყავს სიმ დე იონგი, მაგრამ შემიძლია კიდევ ვინმეს დამატება", - განაცხადა დანი ბლინდმა.

ბლინდმა მალე გადაწყვიტა, რომ "ფეიენოორდის" ნახევარმცველი ტონი ვილიენა გამოეძახა. 21 წლის ფეხბურთელს აქამდე მხოლოდ ერთხელ უთამაშია ჰოლანდიის ნაკრებში. სნეიდერის გარდა, მასპინძლებს არც არიენ რობენი ეყოლებათ. ფრანგთა მთავარი დანაკლისი ბაკარი სანიაა.

ფრანგთა ბანაკში სრული იდილიაა, დიდიე დეშამის გუნდი დიდებულად თამაშობს, რასაც ადასტურებს კიდეც ბულგარეთთან ბოლო მატჩი. ანტუან გრიზმანი გუნდის კაპიტანსა და კარის დარაჯ უგო ლორისს აქებს - "უგო იშვიათად ლაპარაკობს, მაგრამ, როდესაც ის გასახდელში ლაპარაკს იწყებს, ყველა ჩუმდება", - აცხადებს "ატლეტიკოს" ფორვარდი.

ამავე ჯგუფში შვედეთის ნაკრები ბულგარეთს მასპინძლობს. ზლატან იბრაჰიმოვიჩის გარეშე დარჩენილი შვედები ჯგუფის ლიდერები არიან ფრანგებთან და ჰოლანდიელებთან ერთად.

ორშაბათი. 10 ოქტომბერი
A ჯგუფი
ბელორუსი-ლუქსემბურგი 22:45
ჰოლანდია-საფრანგეთი 22:45
შვედეთი-ბულგარეთი 22:45

თ მ ფ წ ბ ქ
1. ჰოლანდია 2 1 1 0 5-2 4
2. საფრანგეთი 2 1 1 0 4-1 4
3. შვედეთი 2 1 1 0 2-1 4
4. ბულგარეთი 2 1 0 1 5-7 3
5. ბელორუსი 2 0 1 1 1-4 1
6. ლუქსემბურგი 2 0 0 2 3-5 0

B ჯგუფი
ანდორა-შვეიცარია 22:45
ფარერები-პორტუგალია 22:45
ლატვია-უნგრეთი 22:45

თ მ ფ წ ბ ქ
1. შვეიცარია 2 2 0 0 5-2 6
2. ფარერები 2 1 1 0 2-0 4
3. პორტუგალია 2 1 0 1 6-2 3
4. ლატვია 2 1 0 1 1-2 3
5. უნგრეთი 2 0 1 1 2-3 1
6. ანდორა 2 0 0 2 0-7 0

H ჯგუფი
ბოსნია-კვიპროსი 22:45
ესტონეთი-საბერძნეთი 22:45
გიბრალტარი-ბელგია 22:45

თ მ ფ წ ბ ქ
1. ბელგია 2 2 0 0 7-0 6
2. საბერძნეთი 2 2 0 0 6-1 6
3. ბოსნია 2 1 0 1 5-4 3
4. ესტონეთი 2 1 0 1 4-5 3
5. კვიპროსი 2 0 0 2 0-5 0
6. გიბრალტარი 2 0 0 2 1-8 0

ყოველდღიური სპორტული გაზეთი "ლელო"