დასრულდა კოპა ლიბერტადორესის საკვალიფიკაციო ეტაპი. გუშინ, პარაგვაის მრავალგზის ჩემპიონმა "ოლიმპიამ", საკუთარ მოედანზე ურუგვაულ "დეფენსორ სპორტინგს" უმასპინძლა და 2:0 მოუგო. მასპინძელთა მხრიდან გოლები არგენტინელმა ხუან ფერეირამ და ედუარდო არანდამ გაიტანეს. მეორე შეხვედრა კი პერუში შედგა. "უნივერსიდად სესარ ვალიეხომ", რომელსაც პირველი მატჩი 0:1 ჰქონდა წაგებული, "დეპორტეს ტოლიმას" პირველი ტაიმი 1:0 მოუგო, მაგრამ შეხვედრის ბოლო წუთებზე, კოლუმბიელმა ჩარლეს მონსალვომ წონასწორობა აღადგინა და საკუთარი გუნდი ჯგუფურ ეტაპზე გაიყვანა.
"ოლიმპია", რომელიც პარაგვაის 39-გზის ჩემპიონია (რეკორდი) და ასევე ლიბერტადორესის თასის სამგზის (1979, 1990, 2002) გამარჯვებული გახლავთ,
რაც შეეხება "დეპორტეს ტოლიმას" – ეს გუნდი ლიბერტადორესის თასზე სულ მეოთხედ მონაწილეობს და საკუთარი ქვეყნის ჩემპიონი სულ ერთხელ, 2002 წელს გახდა. კოლუმბიელები მე-6 ჯგუფში, "სანტა ფეს" (კოლუმბია), "სერო პორტენიოს" (პარაგვაი) და "რეალ გარკილასოს" (პერუ) კომპანიაში მოხვდნენ.
ლიბერტადორესის თასი. საკვალიფიკაციო ეტაპი. საპასუხო მატჩები
ოლიმპია-დეფენსორი 2:0
(პირველი მატჩი: 0:0)
გოლები: 1:0 ხ. ფერეირა (35), 2:0 არანდა (60).
სესარ ვალიეხო-დეპორტეს ტოლიმა 1:1
(პირველი მატჩი: 0:1)
გოლები: 1:0 რ. კინტეროსი (45), 1:1 მონსალვო (86).
ყოველდღიური სპორტული გაზეთი "ლელო"
ასევე იხილეთ:
ბრაზილიელთა ტრიუმფი ლიბერტადორესის თასზე
