"სან პაულოს" შემდეგ ლიბერტადორესის თასს კიდევ ერთი ბრაზილიური კლუბი გამოეთიშა. "პალმეირასმა" მექსიკურ "ტიხუანასთან" წააგო, რომელიც ამ ტურნირზე პირველად მონაწილეობს. მოგეხსენებათ, "ტიხუანა" 2007 წელს დაარსდა და შარშან მექსიკის უმაღლეს დივიზიონში პირველი სეზონი გაატარა, რომელიც კლუბის გაჩემპიონებით დასრულდა. აბსოლუტურად საპირისპირო სეზონი ჰქონდა "პალმეირასს" - 1999 წლის ლიბერტადორესის თასის გამარჯვებულმა ბრაზილიის თასი კი მოიგო, მაგრამ შემდეგ ჩემპიონატში ძალიან ცუდად ითამაშა და სერია A-დან გავარდა. შესაბამისად, ამ წყვილში ლოგიკური შედეგი მივიღეთ: მექსიკის ჩემპიონმა ბრაზილიის მეორე დივიზიონის გუნდი დაამარცხა და მეოთხედფინალში გავიდა.
მექსიკაში გამართული პირველი
მართალია, 62-ე წუთზე ცვლილებაზე გამოსულმა სოუზამ სხვაობა შეამცირა, მაგრამ ჟილსონ კლეინას გუნდმა მეტი ვერაფერი მოახერხა და გავარდა.
"ტიხუანა" მეოთხედფინალში "ატლეტიკო მინეიროს" შეხვდება, რომელიც იმდენად კარგად თამაშობს, რომ ბევრი სპეციალისტის აზრით, ტურნირის მთავარი ფავორიტია, თუმცა "შოლოსმა" ("ტიხუანას" მეტსახელია, მექსიკური უთმო ძაღლის ჯიშია) ჯგუფშიც (მეტოქედ "კორინთიანსი" ჰყავდა) და პლეი ოფის ეტაპზეც უკვე დაამტკიცა, რომ ბრაზილიურ კლუბებთან თამაში კარგად ეხერხება.
გამთენიისას ლიბერტადორესის თასზე სამი ძალიან საინტერესო მატჩი უნდა გამართულიყო, სადაც არგენტინული კლუბების ბედი წყდებოდა. "ოლიმპია"-"ტიგრეს", "ველესი"-"ნიუელსის" და "კორინთიანსი"-"ბოკა ხუნიორსის" შესახებ "ლელოს" 17 მაისის ნომერში ვისაუბრებთ.
ლიბერტადორესის თასი. 1/8-ფინალი
პალმეირასი-ტიხუანა 1:2 (0:0)
გოლები: 0:1 რიასკოსი (27), 0:2 არსე (51), 1:2 სოუზა (62-პენ).
პალმეირასი (4-4-2): ბრუნო - აირტონი, ენრიკე, მაურისიო რამოსი, მარსელო ოლივეირა (72. ჟუნინიო) - ტაიგო რეალი, ჩარლზი (54. მაიკონ ლეიტე), მარსიო არაუჟო, ვესლი (46. სოუზა) - კლებერი, ვინისიუსი
ტიხუანა (4-4-1-1): საუსედო - ხ. ნუნიესი, განდოლფი (73. ო. ორტისი), პ. აგილარი, ე. კასტილიო - რ. რუისი, პელერანო, არსე, ფ. მარტინესი (76. ა. გონსალესი) - ჯ. კორონა (67. მადუენია) - რიასკოსი.
გაძევება: პ. აგილარი (84. ტიხუანა).
ყოველდღიური სპორტული გაზეთი "ლელო"
ასევე იხილეთ:
მარცხი 110 წლით უმცროსთან
