41 წლის ბრაზილიელმა ფეხბურთელმა რივალდომ მიიღო გადაწყვეტილება, "სან-კაეტანუ" მუხლის ტრავმის გამო დატოვოს. 2002 წლის მსოფლიოს ჩემპიონმა და 1999 წლის "ოქროს ბურთის" მფლობელმა 2013 წლის იანვარში ბრაზილიის სერია "ბ"-ს კლუბთან ერთწლიანი კონტრაქტი გააფორმა, მაგრამ გუნდის შემადგენლობაში სულ 7 მატჩი ჩაატარა.
"დღეიდან "სან-კაეტანუს" ფეხბურთელი აღარ ვარ. ისევ მაწუხებს მუხლში ტკივილები.
მინდა კლუბის ყველა წევრს და განსაკუთრებით, კლუბის პრეზიდენტ ნაიროს მადლობა გადავუხადო", - დაწერა საკუთარ "ტვიტერში" ფეხბურთელმა.
რას აპირებს ფეხბურთელი მომავალში, ჯერჯერობით უცნობია.
