ჩემპიონატის ერთპიროვნული ლიდერი "ესტუდიანტესი" "ბომბონერაზე" დამარცხდა და პირველი პოზიცია დაკარგა. ამ გამარჯვების წყალობით, "ბოკა ხუნიორსმა" ამოისუნთქა, აი, "რივერ პლეიტს" კვლავ არაფერი შველის - რამონ დიასის გუნდმა ისევ წააგო. ზოგადად კი, ამ ტურში უპირატესობა აშკარად მასპინძელთა მხარეს იყო - პირველი რვა მატჩიდან ყველა მათი გამარჯვებით დასრულდა... "ბოკასთან" მატჩამდე "ესტუდიანტესი" ერთადერთი გუნდი იყო, რომელსაც ქულა არ ჰქონდა დაკარგული. მაურისიო პელეგრინოს გუნდი თავს 3-მატჩიანი მოგებათა სერიით იწონებდა, რომელიც ემანუელ ჟიგლიოტის გოლის წყალობით დასრულდა. მასპინძელთა ერთ-ერთმა საუკეთესო ფეხბურთელმა შეხვედრის ერთადერთი ბურთი პირველი ტაიმის ბოლოს,
მინიმალური ანგარიშით იმარჯვა "სან ლორენსომაც", ვისი მეტოქეც "კილმესი" იყო. მოქმედი ჩემპიონი უპირატესობას მთელი მატჩის განმავლობაში ფლობდა, მაგრამ სილვიო დულჩიჩის კარში ერთზე მეტი ბურთი არ გასულა, თუმცა იგნასიო პიატის ეს გოლი გამარჯვებისთვის საკმარისი აღმოჩნდა.
როგორც იქნა, მოიგო "ნიუელს ოლდ ბოისმა", რომელსაც ამ ტურამდე 11-მატჩიანი მოუგებელი სერია ჰქონდა. ალფრედო ბერტის შეგირდებმა მთელი ჯავრი "ატლეტიკო რაფაელაზე" იყარეს და მეტოქეს 4 გოლი გაუტანეს. განსაკუთრებით კარგი მატჩი ფაბიან მუნიოსმა და მაქსი როდრიგესმა ჩაატარეს - ორივემ გოლი და საგოლე პასი მიითვალა. კიდევ ერთმა ვეტერანმა გაბრიელ ჰაინცემ, რომელიც წინა ტურში კურიოზული ავტოგოლის შემოქმედი გახდა, ამჯერად საგოლე პასით გამოირჩა, თუმცა დაცვაში თამაშის თვალსაზრისით, ყველაფერი წესრიგში კვლავ არ იყო - "ატლეტიკომ" ერთადერთი გოლი პენალტით გაიტანა, რომელიც სწორედ ჰაინცეს უხეშობის გამო დაინიშნა.
"ესტუდიანტესის" წაგებით, "სან ლორენსოს" გარდა, "კოლონმა" და "გოდოი კრუსმა" ისარგებლეს. პირველმა საკუთარ მოედანზე "რივერ პლეიტს" მოუგო და რამონ დიასის მდგომარეობა კიდევ უფრო სავალალო გახადა, "გოდოი" კი გონსალო კასტელანის ჰეთ-თრიქის წყალობით "როსარიოს" გაუსწორდა - 3:0. აღსანიშნავია, რომ კასტელანი ნახევარმცველია და ამ მატჩამდე მის ანგარიშზე ბოლო 4 სეზონში სულ 4 გოლი იყო.
ამ ტურის ცენტრალური მატჩი კი "სიუდად დე ლანუსზე", ადგილობრივ კლუბსა და "ველეს სარსფილდს" შორის გაიმართა. თავისი მორიგი გოლი გაიტანა მაურო სარატემ. მისმა გუნდმა 2:3 წააგო. "ლანუსის" რიგებში საუკეთესო ოსკარ ბენიტესი იყო, ვინც დუბლი გაიფორმა, მანამდე კი ხორხე პერეირა დიასს გაატანინა.
IV ტური
ლანუსი-ველესი 3:2
გოლები: 1:0 ხ. პერეირა დიასი (22), 1:1 მ. სარატე (24), 2:1 ო. ბენიტესი (37), 3:1 ო. ბენიტესი (56), 3:2 პაპა (74)
ოლ ბოისი-ოლიმპო 1:0
გოლი: 1:0 კარეაგა (6)
არსენალი-რასინგი 3:1
გოლები: 1:0 მ. ეჩევერია (17), 1:1 სახა (20-პენ), 2:1 კარერა (22), 3:1 ფურჩი (38)
ნიუელსი-ატლ. რაფაელა 4:1
გოლები: 1:0 კასკო (4), 2:0 ფ. მუნიოსი (9), 2:1 დ. ვერა (18-პენ), 3:1 ვ. ფიგეროა (57), 4:1 მაქსი როდრიგესი (90)
სან ლორენსო-კილმესი 1:0
გოლი: 1:0 ი. პიატი (56)
ბოკა-ესტუდიანტესი 1:0
გოლი: 1:0 ჟიგლიოტი (42)
კოლონი-რივერი 3:1
გოლები: 1:0 გრაციანი (17), 2:0 მ. ლუკე (71), 2:1 კავენაგი (74), 3:1 გრაციანი (87)
გოდოი კრუსი-როსარიო 3:0
გოლები: 1:0 კასტელანი (43), 2:0 კასტელანი (50), 3:0 კასტელანი (89)
ხიმნასია-ბელგრანო 2:2
გოლები: 1:0 ხ. კორეა (1), 2:0 ლიხტი (40-პენ), 2:1 ლოლო (44), 2:2 ხ. ველასკესი (70)
ტიგრე-არ. ხუნიორსი 0:0
თ მ ფ წ ბ ქ
1. გოდოი კრუსი 4 3 0 1 8-3 9
2. კოლონი 4 3 0 1 6-4 9
3. სან ლორენსო 4 3 0 1 4-2 9
4. ესტუდიანტესი 4 3 0 1 4-2 9
5. ველესი 4 2 1 1 8-4 7
6. ატლ. რაფაელა 4 2 1 1 6-5 7
7. როსარიო 4 2 1 1 5-5 7
8. ბელგრანო 4 1 3 0 8-7 6
9. არსენალი 4 2 0 2 6-5 6
10. ტიგრე 4 1 3 0 1-0 6
11. ნიუელსი 4 1 2 1 5-5 5
12. ხიმნასია 4 1 1 2 6-6 4
13. ბოკა 4 1 1 2 3-4 4
14. ოლიმპო 4 1 1 2 2-3 4
15. რივერი 4 1 1 2 4-6 4
16. არ. ხუნიორსი 4 1 1 2 2-4 4
17. ლანუსი 4 1 1 2 6-9 4
18. ოლ ბოისი 4 1 1 2 2-5 4
19. რასინგი 4 1 0 3 4-5 3
20. კილმესი 4 0 0 4 0-6 0
ბომბარდირები: 4 - კასტელანი (გოდოი კრუსი), გრაციანი (კოლონი), მ. სარატე (ველეს სარსფილდი)
ყოველდღიური სპორტული გაზეთი "ლელო"
