ლეგენდარულმა არგენტინელმა დიეგო მარადონამ ტუნისში იმოგზაურა და 29 წლის წინანდელი მოვლენა გაიხსენა.სოციალურ ქსელში მარადონამ დაწერა, რომ გასულ უქმეებზე ტუნისს სტუმრობდა ერთადერთი მიზნით - შეხვედროდა 72 წლის ალი ბენ ნასერს. ეს არის არბიტრი, რომელიც ემსახურებოდა მსოფლიოს 1986 წლის ჩემპიონატის სკანდალურად ცნობილ მეოთხედფინალს არგენტინისა და ინგლისის ნაკრებების მონაწილეობით.
დიეგო ბენ ნასერთან ბოდიშის მოსახდელად ჩავიდა.
შეგახსენებთ, რომ 29 წლის წინ ბენ ნასერმა ჩათვალა გოლი, რომელიც მარადონამ ხელით გაიტანა, რითაც არგენტინის ნაკრებს 2:1 მოგებაში დაეხმარა.
მოგვიანებით, არგენტინელები მსოფლიოს ჩემპიონები გახდნენ, მათი ლიდერი და
მთელი ამ დროის განმავლობაში, დიეგოს კავშირი ჰქონდა ბენ ნასერთან, რომელიც იმ ლეგენდარული მატჩის შემდეგ საერთაშორისო ტურნირებს ჩამოაშორეს. მარადონამ მსაჯს არგენტინის ნაკრების მაისური უსახსოვრა წარწერით - "სიცოცხლის ბოლომდე ჩემი მეგობრისთვის".
(იბეჭდება მცირე ცვლილებით)
ყოველდღიური სპორტული გაზეთი "ლელო"
