ოდესის "ჩერნომორეცის" გენერალური დირექტორის, სერგეი კერნიცკის თქმით, კლუბმა თავის ფეხბურთელებს არსებული დავალიანებების დასაფარად ოდესაში უძრავი ქონება შესთავაზა.შეგახსენებთ, რომ ამ უკრაინულ კლუბში ცოტა ხნის უკან 20 წლის გიორგი გადრანი ჩაირიცხა, რომელმაც სადებიუტო მატჩი უკვე ჩაატარა.
"მოთამაშეებს არჩევანი შევთავაზეთ - ვალებს ან მთელი წლის განმავლობაში თანხით დავუფარავთ, ან თუკი მოინდომებენ, ოდესაში მშენებლობისთვის ნაკვეთების მზა საბუთებს გადავცემთ. ჩვენ სანაპიროზე, ზღვიდან 80 მეტრში, პლაჟზე, კარგ უძრავ ქონებას ვფლობთ", - აქვეყნებს კერნიცკის ნათქვას Xsport-ი.
