13:01 "ლივერპულმა" გამოაცხადა ბრაზილიის ნაკრების წევრის, რობერტო ფირმინოს შეძენის შესახებ. კოპა ამერიკიდან ექსჰოფენჰაიმელი "ენფილდზე" გაემგზავრება.13:07 Bild იტყობინება, რომ "ლივერპულმა" ბრაზილიელში 41 მილიონი ევრო გადაიხადა. ეს უფრო მეტია, ვიდრე თავის დროზე ხავი მარტინესში, ედინ ჯეკოში, მარიო გიოტცესა და ანდრე შიურლეში გადაიხადეს.
13:17 Football Italia იტყობინება, რომ ჯერდან შაჩირი ტრანსფერზეა დაყენებული. რობერტო მანჩინი ვერ ხედავს შვეიცარიელს მომავალი სეზონისთვის საკუთარ გეგმებში.
14:37 "მარსელი", როგორც ჩანს, დაკარგავს მაღალი კლასის ცენტრალურ მცველს ნიკოლა ნკულუს. "ლიონმა" 7 მილიონი ევრო გაამზადა და უკვე მოელაპარაკა ფეხბურთელს.
14:56
15:23 "რომამ" 25 მილიონი შესთავაზა "სევილიას" კარლოს ბაკას სანაცვლოდ.
15:30 "მალაგამ" პორტუგალიელი ფაბიო ესპინიუ დაიმატა. ფეხბურთელმა ჩემპიონთა ლიგაზე "ლუდოგორეცში" თამაშით მოაწონა ყველას თავი.
15:36 Bild ჯიუტად აძევებს ბასტიან შვაინშტაიგერს "ბაიერნიდან" "მანჩესტერ იუნაიტედში", შემცვლელად კი ანხელ დი მარიას ასახელებს. კარლ-ჰაინც რუმენიგემ კომენტარი გაუკეთა ამ ამბავს: "განვიხილავთ ამ ვარიანტს მხოლოდ იმ შემთხვევაში, თუ ბასტიანი თავად მოვა ჩვენთან ამგვარი წინადადებით". მიუნხენელებს თანხის დამატება დასჭირდებათ, რადგან დი მარია 60 მილიონზე მეტი ღირს, შვაინი - მხოლოდ 28 მილიონი.
15:44 "ჩელსიმ", როგორც ჩანს, იპოვა პეტრ ჩეხის შემცვლელი. მას ასმირ ბეგოვიჩი ჩაანაცვლებს. "სტოკ სიტის" მეკარის გაცვლა უნდა ვიქტორ მოზესში და დამატებით 11 მილიონი ევროს გამომუშავება.
15:46 იტალიური პრესა წერს, რომ მატია დესტრო იტალიიდან საფრანგეთში გადადის. "რომას" ფორვარდი "მონაკოს" აინტერესებს.
15:50 "ეინდჰოვენის" ახალგაზრდა ვარსკვლავი ზაკარია ბაკალი "ვალენსიას" აინტერესებს. 19 წლის მაროკოელ-ბელგიელმა გასული სეზონი ტრავმის გამო გამოტოვა, მაგრამ, როგორც ჩანს, მართლაც დიდი ტალანტია, რადგან ესპანეთში ასე აქტიურად ეპატიჟებიან.
15:56 უცნაური სიახლე ევგენი კონოპლიანკაზე. Daily Mirror-ი იტყობინება, რომ ფეხბურთელი მოლაპარაკებებს აწარმოებს "სტოკ სიტისთან", ოღონდ ამ კლუბს არ სურს გადაიხადოს უკრაინელის მიერ მოთხოვნილი 140 ათასი ევრო კვირაში. კიდევ ერთი ვარიანტია "ნიუკასლი".
16:08 წინა დღის ტრანსფერი, რომელიც დაფიქსირებას მოითხოვს. "ჯენოასა" და იტალიის ნაკრების ნახევარმცველი ანდრეა ბერტოლაჩი "რომაში" გადადის. დედაქალაქელებს ტრანსფერი 8.5 მილიონი ევრო დაუჯდათ.
16:33 დავიდ დე ხეა ისევ აწვალებს ყველას თავისი სატრანსფერო საგით. "მანჩესტერ იუნაიტედის" მეკარეს სურს, რომ "რეალთან" მოლაპარაკებები "იუნაიტედის" შეკრების დაწყებამდე, კერძოდ, 6 ივლისამდე დასრულდეს. ხუთწლიანი კონტრაქტი წლიური 5.5 მილიონი ევროს ხელფასით უკვე მზად არის. დარჩა მხოლოდ კლუბებს შორის მოლაპარაკება.
16:51 ორჯერ გამოიჩინა თავი "შტუტგარტმა": "ელჩედან" მეკარე პშემისლავ ტიტონი შეიძინა, მეორე ბუნდესლიგაში გავარდნილი "პადერბორნიდან" - ლუკას რუპი.
17:00 ადრიანო გალიანის კავშირი ჰქონდა გონსალო იგუაინის აგენტთან ფორვარდის "მილანში" ტრანსფერზე.
17:07 "იუვენტუსმა" "უდინეზედან" გამოისყიდა არგენტინის ნაკრების ნახევარმცველი რობერტო პერეირა. ჩემპიონი სამი წლის განმავლობაში 14 მილიონ ევროს გადაუხდის უდინელებს. პერეირამ "იუვესთან" ოთხწლიანი კონტრაქტი გააფორმა.
17:28 Sky Sports-ი წერს, რომ "ჩელსი" არ არის მზად, 55 მილიონზე მეტი გადაიხადოს რაჰიმ სტერლინგისთვის. "მანჩესტერ სიტიმ" უკვე მიმართა ორი წინადადებით "ლივერპულს" და ბოლო შეთავაზებამ სწორედ ამ თანხას მიაღწია.
17:56 წამყვანი ბელგიელი სპორტული ჟურნალისტი კრისტოფ ტერერი ადასტურებს, რომ აქსელ ვიტცელი "მილანში" გადავა. იტალიური გუნდი, "ზენიტი" და ფეხბურთელის აგენტები დღეს მოილაპარაკებენ საბოლოო დეტალებზე.
18:24 ჰარი რედნაპი იტყობინება, რომ ვეტერანი მცველი სილვენ დისტენი "ევერტონიდან" "ბორნმუთში" გადავიდა.
18:28 "უოტფორდი" აგრძელებს შემადგენლობის გაძლიერებას. ამ გუნდში თითქმის გადავიდა ზრავკო კუზმანოვიჩი "ინტერიდან".
18:51 ოფიციალურად! სამუელ ეტო'ო "ანტალიასფორში" გადავიდა. მის შესახვედრად კლუბის ხელმძღვანელობა სრული შემადგენლობით მივიდა.
19:04 "არსენალმა" გაიფორმა რუმინეთის 16-წლამდელთა ნაკრების ფეხბურთელი ვლად დრაგომირი. ეს ბიჭი "ტიმიშოარადან" რუმინული ფეხბურთის მთავარ ახალგაზრდა ვარსკვლავად მიიჩნევა და "ემირეიტზე" 100 ათას ევროდ გადავიდა. მისი სათამაშო ნომერი "შვიდი" იქნება.
19:30 "ეკიპი" წერს, რომ "ვესტ ჰემი" მოელაპარაკა "მარსელს" დმიტრი პაიეს ტრანსფერზე. ფეხბურთელი არდადეგებიდან ლონდონში ჩავა სამედიცინო შემოწმების გასავლელად და კონტრაქტის გასაფორმებლად. "მარსელი" 15 მილიონ ევროს მიიღებს.
19:47 გახსოვთ ფაბრიციო მიკოლი? ვისაც ახსოვს, მათთვის საიტერესო იქნება, რომ იტალიელი მალტაზე "ბირკირკარას" შემადგენლობაში სათამაშოდ მიემგზავრება.
19:55 კარლოს ტევესი "ბოკა ხუნიორსში" დაბრუნდა, - ირწმუნება Tuttosport-ი. "იუვენტუსიდან" გადასვლის სქემა რთულია - ტურინელები იღებენ 5 მილიონ ევროს და იჯარით აჰყავთ 1997 წელს დაბადებული ძალიან ნიჭიერი გვიდო ვადალა. იტყობინებიან, რომ "ბოკას" გულშემატკივრებს კარლიტოს 7 ივლისს წარუდგენენ "ლა ბომბონერაზე".
20:24 არგენტინის ნაკრების მცველმა ფაკუნდო რონკალიამ, შესაძლოა, დატოვოს გენუა და "ვალენსიაში" ან "შალკეში" გააგრძელოს კარიერა. "ფიორენტინა", რომელსაც ეკუთვნის ფეხბურთელი, მზად არის რონკალიას გასაყიდად.
21:12 სერხიო რამოსის კონტრაქტში მითითებულია ფეხბურთელის გამოსასყიდი თანხა - 180 მილიონი ევრო. სწორედ ამ პუნქტს აცნობს "რეალი" ყველა იმ კლუბს, რომელიც ესპანელი მცველით არის დაინტერესებული.
ყოველდღიური სპორტული გაზეთი "ლელო"
