არგენტინის ნაკრების კაპიტანმა ლიონელ მესიმ კოპა ამერიკა 2016-ის ფინალში ჩილესთან (0:0, პენ. 2:4) მარცხის შემდეგ განაცხადა, რომ ეროვნულ გუნდში აღარ ითამაშებს.- კოპა ამერიკა. ფინალი: ჩილე ჩემპიონია, არგენტინა მესიმ დააღალატა [VIDEO]
"გადაწყვეტილება უკვე მიღებულია. ძალიან მინდოდა ტიტულის მოგება ნაკრებთან ერთად და ძალიან ვწუხვარ, რომ ეს ისევ არ გამოგვივიდა. საკმაოდ მნიშვნელოვანი პენალტი ვერ გავიტანე და მორჩა.
გასახდელში მივიღე გადაწყვეტილება, რომ ჩემი დრო ნაკრებში დასასრულს მიუახლოვდა. ოთხი ფინალი წავაგე. დღეს გამარჯვებას ვცდილობდით, მე ვცდილობდი, მაგრამ მოხდა ის, რაც მოხდა.
მივდივარ, ასე უკეთესი
ლიონელ მესიმ და არგენტინის ნაკრებმა ერთად დათმეს მსოფლიოს 2014 წლის ჩემპიონატის ფინალი, ასევე "კოპა ამერიკის" 2007, 2015 და 2016 წლების გათამაშებების გადამწყვეტი მატჩები.
