ტრანსფერ ONLINE: 19 ივლისის ტრანსფერები და ჭორები

ფოტოზე: ფაკუნდო რონკალია "სელტას" ფეხბურთელი გახდა
13:15. "მანჩესტერ იუნაიტედმა" პოლ პოგბას სანაცვლოდ 125 მილიონი ევრო შესთავაზა "იუვენტუსს"! La Gazzetta dello Sport-ის ინფორმაციით, ინგლისელები ფრანგს ხუთწლიან კონტრაქტსა და წელიწადში 12 მილიონ ევროს სთავაზობენ.

13:40. 36 წლის შემტევი ნახევარმცველი ფლორან მალუდა კარიერას აგრძელებს. ბოლო ნახევარი წელი ვეტერანმა ეგვიპტეში გაატარა, ახლა კი ინდოეთის "დელი დინამოში" დაბრუნდა, - წერს L’Equipe-ი.

13:55. "იუვენტუსმა" უარი განაცხადა გონსალო იგუაინისთვის ბრძოლაზე! "იგუაინის თემა ჩვენთვის დახურულია", - განაცხადა კლუბის გენერალურმა დირექტორმა ბეპე მაროტამ. ტურინელებისთვის ტრანსფერის თანხა - 94 მილიონი ევრო ძალიან დიდი აღმოჩნდა (Sportmediaset).

14:00. "მანჩესტერ სიტიმ" "ლესტერს" 40 მილიონი ევრო შესთავაზა რიად მაჰრეზში (France Football).

14:10. არგენტინელმა ფაკუნდო რონკალიამ "ფიორენტინა" "სელტაში" გაცვალა. მან ესპანურ კლუბთან ხუთწლიან კონტრაქტს მოაწერა ხელი. ტრანსფერის თანხის შესახებ არაფერი თქმულა (AS).

14:15. "რეალი" მიუახლოვდა "ვალენსიიდან" ნახევარმცველის, ანდრე გომეშის შეძენას, - ამტკიცებს Marca. მადრიდელები ევროპის ჩემპიონში 65 მილიონ ევროს იხდიან.

14:25, "ბარსელონამ" კონტრაქტები გაახანგრძლივა ფორვარდ მუნირ ელ-ჰადადისთან და ნახევარმცველ სერხი სამპერთან.

14:30, "ტორინომ" დაასრულა "რომას" ნახევარმცველის, ადემ ლიაიჩის გაფორმება. ტურინელებმა მასში 8.5 მილიონი ევრო გადაიხადეს. "ტორინომ", ასევე, იჯარით აიყვანა "ინტერის" ფორვარდი იაგო ფალკე (La Gazzetta dello Sport).

14:40. აგრძელებს დაკომპლექტებას "ტოტენჰემი". ლონდონურ კლუბში სამედიცინო შემოწმება გაიარა "მარსელის" ნახევარმცველმა ჟორჟ-კევინ ნკუდუ მბიდამ. Sky Sports-ის ინფორმაციით, 21 წლის ფრანგი 13 მილიონი ევრო დაჯდა.

14:45. A Bola-ს ცნობით, პეპ გვარდიოლამ "მანჩესტერ სიტისთვის" ლისაბონის "სპორტინგის" მეკარე რუი პატრისიო მოინდომა. ევრო 2016-ის გმირის ფასი 7 მილიონი ევროა.

14:55. როგორც Footbal Espana წერს, "ჩელსის" არ აწყობს ფორვარდ დიეგო კოშტას 60 მილიონად გაყიდვა. ეს მას შემდეგ მოხდა, რაც ანტონიო კონტემ განაცხადა - კოშტას ახალ სეზონში ძირითად ფორვარდად ვაქცევო.

15:00. იგუაინზე უარის თქმის შემდეგ "იუვენტუსი" გადაერთო ზაგრების "დინამოს" შემტევ ნახევარმცველზე, მარკო პიაცაზე. ხორვატი უკვე მოელაპარაკა "იუვენტუსს" კონტრაქტის პირობებზე. ტრანსფერის თანხა 25 მილიონ ევროს შეადგენს.

15:10. "არსენალი" აგრძელებს ახალგაზრდა ტალანტების შეგროვებას. ლონდონში სამედიცინო შემოწმება გაიარა "ბოლტონის" 20 წლის მცველმა რობ ჰოლდინგმა. "მეთოფეები" რობისთვის 2 მილიონ ფუნტს იხდიან (BBC).

15:35. "ბარნლიმ" "ჩარლტონიდან" გამოისყიდა ფორვარდი იოჰან გუდმუნდსონი. 25 წლის ისლანდიელთან სამწლიანი კონტრაქტი გაფორმდა.

15:50. "იუვენტუსი" "ჩელსის" საყრდენს, ნემანია მატიჩს უმიზნებს. ტურინელები 25 მილიონ ევროს იხდიან, მაგრამ ლონდონელები ჯერ ჭირვეულობენ (Sky Sports).

15:55. "ფორვარდი ჯექსონ მარტინესი, შესაძლოა, "პორტუში" დაბრუნდეს", - წერს O'Jogo. კოლუმბიელი ვერ ბრწყინავს "გუანგჯოუ ევერგრანდში" და ევროპაში დაბრუნებაზე ოცნებობს.

16:10. "ლაციომ" "ჯენოაში" გაუშვა 31 წლის მცველი სანტიაგო ჯენტილეტი. გენუელებმა არგენტინელთან სამწლიანი კონტრაქტი გააფორმეს.

16:15. "ლაციო" სულ მალე გაიფორმებს "ბენფიკას" მცველ ჟარდელს. ტრანსფერის თანხა 7 მილიონი ევრო იქნება, ფეხბურთელი კი რომში 1.5 მილიონს მიიღებს წელიწადში.

16:35. "ზენიტის" მცველი ნიკოლას ლომბერტსი ახლოს არის "უოტფორდში" გადასვლასთან", - წერს Voetbal Krant-ი. ინგლისელები 31 წლის მცველში 6 მილიონ ევროს იხდიან.

16:45. Sky Sports-ი ირწმუნება, რომ "ლივერპული" სულ მალე დაასრულებს ესტონელი მცველის, რაგნარ კლავანის ტრანსფერს. მერსისაიდელები "აუგსბურგს" 4.2 მილიონ ფუნტს გადაუხდიან.

16:50. "სევილია" ახლოს არის "ატლეტიკოს" ნახევარმცველის, ლუსიანო ვიეტოს გადაბირებასთან", - წერს football-espana. ამ ფეხბურთელზე "ბარსელონაც" ნადირობს.

17:40. "ანდერლეხტმა" თითქმის დაასრულა რუმინეთის ნაკრების ნახევარმცველის, ალექსანდრუ კიპჩუს ტრანსფერი. 27 წლის ფეხბურთელში ბელგიელები 3.5 მილიონ ევროს გადაუხდიან "სტიაუას".

17:50. "ნაპოლიში" სამედიცინო შემოწმება ვერ გაიარა "ინტერის" მცველმა დავიდე სანტონიმ და ნეაპოლელებმა უარი თქვეს 25 წლის ფეხბურთელის შეძენაზე, - იტყობინება Football Italia.

17:55. "ბაიერნის" მთავარმა მწვრთნელმა კარლო ანჩელოტიმ განაცხადა, რომ არ სჭირდება "შალკეს" ფორვარდი ლეროი სანე. იტალიელს მოსწონს თავისი გუნდის შემადგენლობა. "ჩვენ შესანიშნავად ვართ დაკომპლექტებული", - მიაჩნია ანჩელოტის (Sky Sports).

18:05. როგორც Bild-ი ირწმუნება, უბერებელი ივიცა ოლიჩით "მიუნხენია" დაინტერესებული. "ლომებმა" 37 წლის ხორვატზე ნამდვილი ნადირობა გამოაცხადეს მას შემდეგ, რაც "ჰამბურგმა" უარი თქვა ვეტერანთან კონტრაქტის გაგრძელებაზე.

18:15. AS-ის ჟურნალისტებმა გამოთვალეს, რომ ევროპის ათმა საუკეთესო გუნდმა ("ბარსელონა", "რეალი", "ატლეტიკო", "ბაიერნი", "დორტმუნდი", პსჟ, "იუვენტუსი", "მანჩესტერ იუნაიტედი", "მანჩესტერ სიტი" და "ჩელსი") ტრანსფერებზე უკვე დახარჯა 550.6 მილიონი ევრო!

18:20. "ნორვიჩმა" სამწლიანი კონტრაქტი გააფორმა ჩრდილოეთ ირლანდიის 32 წლის მეკარესთან, მაიკლ მაკგოვერნთან. ფეხბურთელი "ნორვიჩს" თავისუფალი აგენტის სტატუსით ერგო - მაიკლს დაუმთავრდა კონტრაქტი შოტლანდიურ "ჰემილტონთან".

18:35. მარეკ ჰამშიკი "ნაპოლიში" რჩება! Sky Sports-ის ინფორმაციით, მხარეები ახალი კონტრაქტის შესახებ შეთანხმებამდე მივიდნენ. 28 წლის სლოვაკის ამჟამინდელი ხელშეკრულება 2018 წლის ზაფხულამდეა ძალაში.

18:40. "ბარნლიმ" მეორე ფეხბურთელი შეიძინა "ჩარლტონიდან" - 22 წლის მეკარე ნიკ პოუპი.

18:55. იტალიის ნაკრების ყოფილმა მწვრთნელმა მარჩელო ლიპიმ მიიღო შეთავაზება - სათავეში ჩაუდგეს ბელგიის ნაკრებს. 68 წლის სპეციალისტმა განაცხადა, ვიფიქრებო, - წერს Corriere dello Sport-ი.

19:10. Marca-ს ინფორმაციით, "რეალი" ფავორიტია "ბარსელონასთან" ბრძოლაში "პალმეირასის" 19 წლის ფორვარდის, გაბრიელ ჟესუსის ხელში ჩასაგდებად. ტრანსფერის სავარაუდო თანხაა 30 მილიონი ევრო.

19:30. "სამპდორია" გაძლიერდა "გრასჰოპერსის" 28 წლის ნახევარმცველით, დანიელ პავლოვიჩით, რომელიც შარშან იჯარით თამაშობდა "ფროზინონეში". Sky Sport Italia-ს ცნობით, გენუაში პავლოვიჩი თავისუფალი აგენტის რანგში ჩავიდა.

20:30. "ლაციოს" აღზრდილი ანტონიო ჩინელი, რომელიც ბოლო დროს "ვიჩენცასა" და "კალიარიში" თამაშობდა, "კიევოში" გადავიდა. სამწლიანი კონტრაქტი 2019 წლის ზაფხულამდეა ძალაში (Corriere dello Sport).

20:35. "მანჩესტერ სიტიმ" ოფიციალური თხოვნა გაუგზავნა "ვესტ ჰემს" ინგლისის 19-წლამდელთა ნაკრების ნახევარმცველის, რის ოქსფორდის შეძენაზე. ამას წინათ რისმა უარი თქვა "ვესტ ჰემთან" კონტრაქტის გაგრძელებაზე და ვარაუდობენ, რომ 10 მილიონ ევროდ გადავა პეპ გვარდიოლასთან (Telegraph).

21:40. "უდინეზემ" "ვალენსიიდან" იჯარით აიყვანა 22 წლის გარემარბი როდრიგო დე პოლი. Sky Sport Italia-ს ინფორმაციით, "ზებრებს" ერთ სეზონში სამი მილიონი ევროს გადახდა მოუწევთ.

21:50. "სევილიამ" ოფიციალურად გამოაცხადა ხუთწლიანი კონტრაქტის გაფორმების შესახებ ნახევარმცველ ფრანკო ვასკესთან, რომელიც ადრე "პალერმოში" გამოდიოდა. არგენტინაში დაბადებულ 27 წლის ფეხბურთელს ორი მატჩი აქვს ჩატარებული იტალიის ნაკრებში.

21:55. მიონხენგლადბახის "ბორუსიამ" 17 მილიონი ევრო შესთავაზა "ჩელსის" 20 წლის მცველის, ანდრეას კრისტენსენის სანაცვლოდ. გასული სეზონი დანიელმა "ბორუსიაში" გაატარა და გერმანული კლუბის ხელმძღვანელებს კრისტენსენის კონტრაქტის გამოსყიდვა სურთ (Sky Sports).

ყოველდღიური სპორტული გაზეთი "ლელო"