საქართველოს 20-წლამდელთა ნაკრებმა ესტონური ტურნე დაასრულა. დავით უსტიაშვილის გუნდმა მასპინძლებთან მეორე საკონტროლო მატჩიც წააგო, თუმცა იმხელა სხვაობით არა, როგორც პირველ შეხვედრაში.ქართველებმა მასპინძლებს მეორე ტაიმი 3 ქულით მოუგეს, მაგრამ პირველი ჰქონდათ ისე დიდი სხვაობით წაგებული, რომ საბოლოო ჯამში 77:96 დამარცხდნენ.
ესტონელებმა საწყის მეოთხედში 25:15 იმარჯვეს, ხოლო მეორეში უფრო დამაჯერებლად გამოიყურებოდნენ - 31:19.
დიდი შესვენების შემდეგ ბალტიისპირელები 56:34 ლიდერობდნენ და საბოლოოდ გამარჯვებამდე მისვლა აღარ გასჭირვებიათ.
საქართველოს ნაკრებში საუკეთესო იყო ბექა ბურჯანაძე, რომელიც 21 ქულითა და 8 მოხსნით ორივე გუნდის შემადგენლობაში საუკეთესო
საქართველოს 20-წლამდელთა ნაკრები საქართველოში 7 ივლისს ღამით გამოემგზავრება და ევროპის ჩემპიონატის ფინალური ეტაპისთვის მზადებას თბილისში განაგრძობს.
შეგახსენებთ, რომ დავით უსტიაშვილის გაწვრთნილი გუნდი კონტინენტის პირველობის პირველ მატჩს ლატვიასთან 12 ივლისს გამართავს. ჯგუფში ჩვენი მეტოქეები ლატვიელთა გარდა ესპანეთი და თურქეთი იქნებიან.
6 ივლისი, ტალინი
ესტონეთი-საქართველო 96:77
25:15, 31:19, 21:24, 19:19
საქართველო: ფხაკაძე (8ქ), სანაძე (10ქ, 8მ), ბოქოლიშვილი (12ქ), ბურჯანაძე (21ქ, 8მ), ალხანაიძე (10ქ); ტეტელაშვილი (6ქ), ჯავახიშვილი, თენიეშვილი (8ქ, 5მ), როგავა (2ქ).
WWW.GBF.GE
