საქართველოს ეროვნულმა ნაკრებმა, რომელიც ევროპის ჩემპიონატისთვის ემზადება, თბილისში ფიზმომზადების ვარჯიშები დაასრულა. 25 ივლისს, გამთენიისას, ეროვნული ნაკრები სლოვენიაში მიემგზავრება და დაბა პოდჩეტრტეკში სრულფასოვან შეკრებაზე გადავა, სადაც აქცენტი ტაქტიკასა და ბურთით ვარჯიშზე გაკეთდება.
სლოვენიაში ნაკრებს ახალი ნატურალიზებული ამერიკელი კალათბურთელები - რიკი ჰიკმანი და ლუკ ზელერი შეუერთდებიან.
პოდჩეტრტეკში ჩავლენ სამწვრთნელო შტაბის წევრები - ჯეისონ სტოდტი, მეთ ბრეისი და მთავარი მწვრთნელი იგორ კოკოშკოვი.
სლოვენიაში არ ჩადის თორნიკე შენგელია, რომელსაც ჯანმრთელობის პრობლემები შეექმნა.
"ბრუკლინ ნეთსის" ქართველ ფორვარდს მუხლი ასტკივდა და გამოკვლევა საკუთარ კლუბში გაიარა.
ექიმების
ნაკრებმა 8-24 ივლისს ფიზმომზადების შეკრება თბილისში ახალი სერბი სპეციალისტის - ალექსანდრ ჩვოროვიჩის ხელმძღვანელობით გაიარა, რომელსაც ავთანდილ ბერიძე ეხმარებოდა. იმ მცირე საკალათბურთო ვარჯიშებს, რომლებსაც მოთამაშეები ასრულებდნენ, კოკოშკოვის ასისტენტი, კოტე ტუღუში უძღვებოდა.
სლოვენიის დაბა პოდჩეტრტეკში იგორ კოკოშკოვის ხელმძღვანელობით ნაკრები 6 აგვისტომდე მოემზადება და გეზს იტალიისკენ აიღებს, სადაც ქალაქ ტრენტოში იტალიასთან, პოლონეთთან და ისრაელთან ერთად საერთაშორისო ტურნირში მიიღებს მონაწილეობას. ნაკრების მოსამზადებელი გეგმის დარჩენილ განრიგს ქვემოთ გაეცნობით.
საქართველოს ეროვნული ნაკრები ევროპის ჩემპიონატზე 2 სექტემბერს გაემგზავრება.
ქართველები ჯგუფში სლოვენიასთან, ესპანეთთან, ხორვატიასთან, პოლონეთთან და ჩეხეთთან მოხვდნენ. პირველ მატჩს კოკოშკოვის გუნდი 4 სექტემბერს, პოლონეთთან გამართავს.
24 ივლისს სპორტკომპლექს "არენაში" ეროვნულმა ნაკრებმა ღია ვარჯიში გამართა, რომელსაც მასმედიის წარმომადგენლები დაესწრნენ.
ვიქტორ სანიკიძე: "ის, რომ შეკრება ადრიანად და ფიზმომზადებით დავიწყეთ, ძალიან კარგი და სასარგებლოა. ნაკრების წევრებმა, რომლებსაც პრობლემები ჰქონდათ ამ მხრივ, კარგი ფიზმომზადება გაიარეს და სლოვენიის შეკრებას სრულ მზადყოფნაში ვხვდებით.
ნაკრებში მთავარი მწვრთნელი და ამერიკელი კალათბურთელები შემოგვიერთდებიან და კომბინაციების დამუშავებაზე გადავალთ. ჯერ არ ვიცით, ფაჩულიას არყოფნის გამო რა შეიცვლება ნაკრების სათამაშო ტაქტიკაში. ყველაფერს სლოვენიაში შევიტყობთ, როცა იგორ კოკოშკოვი ვარჯიშებს დაიწყებს".
საქართველოს ნაკრები სლოვენიისკენ გეზს 25 ივლისს, გამთენიისას, 4 საათზე აიღებს.
საქართველოს ეროვნული ნაკრების მოსამზადებელი გეგმა კი ასე გამოიყურება:
8-24 ივლისი
ვარჯიშები ფიზიკურ მომზადებაში. თბილისი
25 ივლისი-6 აგვისტო
მოსამზადებელი შეკრება ქ. პოდჩეტრტეკში, სლოვენია
7-9 აგვისტო
ტურნირი ქ. ტრენტოში, იტალია. მონაწილეობენ: საქართველო, იტალია, პოლონეთი, ისრაელი
10-13 აგვისტო
მოსამზადებელი შეკრება ქ. პოდჩეტრტეკში (სლოვენია)
13 აგვისტო
ამხანაგური მატჩი საქართველო-ბოსნია ქ. ცელიეში, სლოვენია
14 აგვისტო
ამხანაგური მატჩი საქართველო-ბოსნია ქ. იესენიცეში, სლოვენია
16-17 აგვისტო
საერთაშორისო ტურნირი ქ. ანტიბში, საფრანგეთი.
მონაწილეობენ: საქართველო, საფრანგეთი, სერბეთი
18-24 აგვისტო
მოსამზადებელი შეკრება თბილისში
25-28 აგვისტო
საერთაშორისო ტურნირი ქ. თელ-ავივში, ისრაელი.
მონაწილეობენ: საქართველო, ისრაელი, ლატვია, მეოთხე გუნდი ჯერ უცნობია
1 სექტემბერი
ამხანაგური მატჩი ლიტვა-საქართველო ქ. კაუნასში, ლიტვა
2 სექტემბერი
გამგზავრება სლოვენიაში ევროპის ჩემპიონატზე
gbf.ge
