თამამად შეიძლება ითქვას, რომ საქართველოს კალათბურთელთა ეროვნულ გუნდს წლეულს კარიერაში ერთ-ერთი ყველაზე კარგი მოსამზადებელი ეტაპი ელის. საზაფხულო გეგმების შესახებ კალათბურთის ფედერაციის ვიცე-პრეზიდენტი ვლადიმერ ბოისა გვესაუბრება:
"საქართველოს ნაკრების მოსამზადებელი გეგმა თითქმის მთლიანად შედგენილია. მცირე დეტალებია დარჩენილი, თუმცა საერთო სურათი უკვე გვაქვს და შემიძლია გითხრათ, რომ მთლიანობაში, ნაკრები 10 ამხანაგურ მატჩს გამართავს.
ნაკრები თბილისში, საქართველოში მოთამაშე კალათბურთელებით 14 ივლისს შეიკრიბება, ხოლო 24 ივლისიდან სლოვენიის კურორტ პოდჩეტრტეკში გენერალური შეკრება დაიწყება...
6 და 7 აგვისტოს სლოვენიაში ბოსნიასთან 2 ამხანაგურ მატჩს გავმართავთ, ხოლო 9-19 აგვისტოს
19-დან 22 აგვისტომდე საფრანგეთში ვიქნებით, სადაც ადგილობრივ ნაკრებთან და ბელგიასთან ერთად საერთაშორისო ტურნირს ვითამაშებთ.
22-27 აგვისტოს ისევ პოდჩეტრტეკში გვექნება შეკრება, საიდანაც იტალიაში გადავინაცვლებთ და 28, 29 და 30 აგვისტოს იტალიასთან, რუსეთთან და კიდევ ერთ ნაკრებთან ერთად (რომლის ვინაობაც მალე გაირკვევა) საერთაშორისო, ამხანაგურ ტურნირში ვიასპარეზებთ".
ყოველდღიური სპორტული გაზეთი "ლელო"
