10 სექტემბერს საქართველოს ნაკრებმა ევრობასკეტი 2015-ის ჯგუფური ეტაპის ბოლო შეხვედრა ჯგუფის მასპინძელ ხორვატიასთან გამართა და მეტოქე მისივე 8 ათასამდე გულშემატკივრის თვალწინ, 71:58 გაიმარჯვა.
პირველი მეოთხედი საქართველოს ნაკრების უპირატესობით წარიმართა და ჩვენმა გუნდმა მეოთხედი 14:13 მოიგო. მეორე მეოთხედში ქართველმა კალათბურთელებმა რამდენიმე იოლი ბურთი ვერ ჩააგდეს ფარქვეშიდან და შედეგად, მასპინძლებმა მეოთხედი 4 ქულით მოიგეს, ტაიმი კი სამით - 28:25.
მესამე მეოთხედი ისევ იგორ კოკოშკოვის გუნდის უპირატესობით წარიმართა - ჩვენებმა 22:16 იმარჯვეს და ბოლო მეოთხედის წინ საქართველო 47:44 დაწინაურდა.
ბოლო მეოთხედი საქართველოს ნაკრებისთვის ამ ტურნირზე საუკეთესო იყო, ჩვენმა გუნდმა საბოლოოდ თამაში 71:58 მოიგო, ანუ 13 ქულის სხვაობით.
12-12 ქულა ზაზა ფაჩულიამ, ვიქტორ სანიკიძემ და დუდა სანაძემ მოიპოვეს. ამ მხრივ საუკეთესო მაჩვენებელი კი ლუკა ზორიჩს ჰქონდა - 16 ქულა.
საქართველოს ნაკრებმა ჯგუფი ორი მოგებითა და სამი მარცხით დაასრულა.
23:00 საათზე ჰოლანდიის ნაკრები საბერძნეთს ეთამაშება. თუკი ჰოლანდია დამარცხდება, რაც მოსალოდნელია, საქართველოს ნაკრები პლეი ოფის საგზურს მოიპოვებს. წინააღმდეგ შემთხვევაში, ევრობასკეტს დაემშვიდობება.
21:49 10-09-2015
საქართველოს ნაკრებმა ევრობასკეტის მასპინძელ ხორვატიას მოუგო! [VIDEO]
AutoSharing Option
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
დიდი მადლობა ბიჭებს!!!