17 ივლისს საქართველოს კალათბურთელთა ეროვნული ნაკრების საწვრთნელი კემპი ოფიციალურად გაიხსნა. სწორედ ამ დღეს ჩაატარა ეროვნული გუნდის ბერძენმა სპეციალისტმა ილიას ზუროსმა საკუთარი გეგმის შესაბამისად დატვირთული, პირველი სრულყოფილი ვარჯიში. 16 ივლისს, სლოვენიაში ჩასვლის დღეს კი ნაკრების წევრებმა მხოლოდ მსუბუქად ივარჯიშეს.პოდჩეტრტეკის დარბაზში საღამოს 18:30 საათზე 14 კალათბურთელი შეიკრიბა. ნაკრებს შეუერთდა ნიკა მეტრეველი, რომელიც სლოვენიაში იტალიიდან ჩავიდა, სადაც საკუთარ კლუბ "იუვეკაზერტაში" სამედიცინო შემოწმება გაიარა. მეტრეველს და თორნიკე შენგელიას ზუროსის ვარჯიშებში მონაწილეობა არ მიუღიათ - ისინი დარბაზის ტრენაჟორებიან მხარეს იყვნენ და ინდივიდუალურად ემზადებოდნენ.
მწვრთნელების განკარგულებაში
ვარჯიში საჯარიმოებით ჩამთავრდა. ყველას უნდა ესროლა 2-ჯერ და თუ ჩააგდებდა, ვარჯიშს ასრულებდა, თუკი ვერა, რჩებოდა და ჯარიმის სახით, ვარჯიშში დარჩენილ მოთამაშეებთან ერთად მოედანს სირბილით ორჯერ კვეთდა. ბევრი სირბილი ბიჭებს არ მოუწიათ. უმეტესობამ ზუსტად შეასრულა საჯარიმოები და ვარჯიშიც 2 საათის თავზე დასრულდა.
დღეს, 18 ივლისს, საღამოს, ილიას ზუროსის გუნდი სრულ, გენერალურ ვარჯიშს ჩაატარებს.
საქართველოს ნაკრები ევროპის 2017 წლის ჩემპიონატის შესარჩევი ეტაპისთვის ემზადება. 31 აგვისტომდე ეროვნულ გუნდს თვენახევრიანი მოსამზადებელი ეტაპი და 10 სპარინგ-მატჩი ელის. ზუროსის გუნდი პირველ ამხანაგურ მატჩს 2 აგვისტოს, პოდჩეტრტეკში, პორტუგალიის ნაკრების წინააღმდეგ ჩაატარებს.
მომზადებულია gbf.ge-ს მიხედვით
