ფოტო: gbf.ge24 ივლისს საქართველოს ნაკრებმა სლოვენიაში ყველაზე ხანგრძლივი და დატვირთული ვარჯიში გამართა.
ქართველების ბერძენმა მწვრთნელმა ილიას ზუროსმა გუნდი დილას დაასვენა, ხოლო საღამოს 7-დან 9 საათამდე კომბინირებული და საკმაოდ ნაყოფიერი ვარჯიში ჩაუტარა.
ვარჯიშზე მხოლოდ რამდენიმე წუთით დაკავდნენ ფიზმომზადებით - ძირითადი აქცენტი თამაშზე, დაცვით და შეტევით კომბინაციებზე იყო გადატანილი. ყურადღება დაეთმო სროლებსაც. ზოგადად, ზუროსი განსაკუთრებულ ყურადღებას უთმობს სროლებს. ყოველ კომპონენტზე ვარჯიშს ის საჯარიმო სროლებით ამთავრებს. ანუ კალათბურთელმა 2 საჯარიმო მიყოლებით სუსტად უნდა შეასრულოს, რომ დაისვენოს და შემდეგ ვარჯიშზე გადავიდეს. ასე რომ, მთლიანი
აღნიშნულმა ვარჯიშმა თორნიკე შენგელიასა და ლუკა ზაქრაძის გარეშე ჩაიარა. შენგელიას ტემპერატურა ჰქონდა ცოტა ზღვარს მიღმა და მწვრთნელებმა სიცხის დამწევი მედიკამენტით ვარჯიშს მისი დასვენება გადაწყვიტეს. რაც შეეხება ზაქრაძეს, მან წინა ვარჯიშზე კოჭი ამოიბრუნა და თავისი განცხადებით მზადყოფნაში კი იყო, თუმცა ექიმებმა არ გარისკეს და ნაკრების ახალწვეული დაასვენეს.
თვალშისაცემია მოთამაშეთა პროგრესი როგორც სათამაშო, ისე ფიზიკურ კომპონენტებში. ნაკრების მომზადების დონე მაღლა მიიწევს და ამას მოთამაშეებიც კარგად ხედავენ. ვარჯიშის შემდეგ კომენტარი გააკეთეს ბექა ბურჯანაძემ და ბესო ლეჟავამ.
მომზადებულია gbf.ge-ს მიხედვით
