მანუჩარ მარკოიშვილმა თურქეთის ჩემპიონობისკენ მორიგი ნაბიჯი გადადგა. მისმა "გალათასარაიმ" ფინალური სერიის პირველ მატჩში "ბანვითს" უმასპინძლა და მიუხედავად იმისა, რომ ცუდად დაიწყო, მაინც დამაჯერებლად გაიმარჯვა - 79:62.
მანუჩარი სასტარტო ხუთეულში იყო და პირველ მეოთხედში 7 ქულა ჩააგდო, თუმცა "გალას" კალათბურთელებმა ბანვითელებს 22:16 დაწინაურების უფლება მისცეს.
მეორე მეოთხედის დასაწყისიც სტუმრებისა იყო, თუმცა პერიოდის დასრულებამდე 1:20 წუთით ადრე მარკოიშვილის სამქულიანის შემდეგ სხვაობა მინიმუმამდე შემცირდა (33:34), ხოლო დიდ შესვენებამდე სტამბულელებმა გადასწრება მოახერხეს.
მესამე პერიოდში "გალათასარაის" პირველი ქულები მანუჩარმა მოუტანა, სამქულიანით თანაგუნდელები 43:37 დააწინაურა და
მარკოიშვილმა 29 წუთში 13 ქულა, 2 მოხსნა, 1 პასი და 1 ჩაჭრა მიითვალა. მან 5 მცდელობიდან 3 სამქულიანი ჩააგდო.
მეორე ფინალური შეხვედრა 7 ივნისს ისევ "გალათასარაის" მოედანზე გაიმართება.
ყოველდღიური სპორტული გაზეთი "ლელო"
![ოსიმენის დუბლი ზედიზედ მეორე მატჩში და თანაგუნდელისთვის მიძღვნილი გოლი [VIDEO]](/pictures/image7/13981b54573cec47915a4aa04e331d8f.png "ოსიმენის დუბლი ზედიზედ მეორე მატჩში და თანაგუნდელისთვის მიძღვნილი გოლი [VIDEO]")
