საქართველოს ნაკრების ფორვარდმა თორნიკე შენგელიამ ორლანდოს საზაფხულო ლიგაზე მეორე მატჩი ჩაატარა. მისი "ბრუკლინის" მეტოქე "მაიამი ჰიტი" იყო. ბრუკლინელებმა ამჯერადაც წააგეს - 86:93.
თორნიკე კვლავ სასტარტო ხუთეულში იყო. მართალია, ქულა-მოხსნებით თვალი ვერ მოგვჭრა, მაგრამ ბრუკლინელი ჟურნალისტის კომპლიმენტი კი დაიმსახურა: სტატისტიკაში არ ჩანს, თუმცა შენგელიამ დაცვაში დიდი მოცულობის სამუშაო შეასრულა. რამდენჯერმე ლამაზადაც შეუტია, ხოლო მისი პასები ცალკე აღნიშვნას იმსახურებს.
მოკლედ, 207 სმ სიმაღლის ქართველის მონაგარი ასეთი იყო: 25 წუთი, 6 ქულა, 4 პასი, 1 ჩაჭრა,
თოკომ 6-დან 2 ორქულიანი, 4-დან 2 საჯარიმო გამოიყენა, 2 სამქულიანი ტყორცნა კი მიზანს ასცდა. "ბრუკლინ ნეთსის" ბომბარდირი 25 ქულით ტაიშონ ტეილორი გახდა.
10 ივლისს შენგელიას გუნდი ორლანდოს საზაფხულო ლიგაზე "იუტას" შეეჭიდება.
ყოველდღიური სპორტული გაზეთი "ლელო"
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
