ვიქტორ სანიკიძემ და გიორგი შერმადინმა ერთობლივად პირველი მატჩი ჩაატარეს ესპანურ "სარაგოსაში". შეხვედრა ამხანაგური იყო და არაგონელებს მეტოქედ ნაკლები გაქანების გუნდი "კლავიხო" ჰყავდათ, რომელსაც 10 ქულის სხვაობით - 78:68 სძლიეს.
ქართველი კალათბურთელები საუკეთესონი იყვნენ. სასტარტო ხუთეულში გიორგი შერმადინმა ითამაშა, რომელმაც 19 წუთში 16 ქულა, 7 მოხსნა, 1 პასი, 1 ჩაჭრა და 1 დაფარება მოაგროვა.
შერმადინმა თითქმის უშეცდომოდ ისროლა, 6-დან 6 ორქულიანი და 5-დან 4 საჯარიმო ჩააგდო. საერთო შედეგიანობის კოეფიციენტით (25), მატჩის საუკეთესო მოთამაშე სწორედ გიორგი შერმადინი გახდა.
სარაგოსელთა შორის შერმადინის შემდეგ
ვიქტორის ანგარიშზე ასევე 1 მოხსნა, 1 ჩაჭრა და 1 დაფარება გახლდათ. მომდევნო საკონტროლო მატჩს სარაგოსელები 27 სექტემბერს, შედარებით სოლიდურ გუნდ "ფუენლაბრადასთან" გამართავენ.
ამხანაგური მატჩი გამართა ბექა ბურჯანაძის "კახასოლმაც", რომელმაც "ბილბაოს" 88:81 მოუგო და ამაში ქართველ ფორვარდსაც მიუძღვის წვლილი - ბურჯანაძემ 7 ქულა მოაგროვა.
წყარო: gbf.ge
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
