თორნიკე შენგელია ჩიკაგოში სამშაბათს უნდა ჩასულიყო. ასეც მოიქცა, კლუბის ხელმძღვანელობასაც შეხვდა და 7-ნომრიანი მაისურაც აირჩია.შეგახსენებთ, რომ ამ სეზონში არც 23 და არც 7 ნომრად "ბულსში" არავინ თამაშობდა. 23-იანი სამუდამოდაა დაკავებული - მაიკლ ჯორდანის საკუთრებაა.
სამაგიეროდ, 7-ნომრიანი მაისურა ტონი კუკოჩისთვის მუდმივ მფლობელობაში არ გადაუციათ და ახლა მის გზას კიდევ ერთი ევროპელი, თორნიკე განაგრძობს.
სხვათა შორის, ისევე, როგორც ზაზა ფაჩულიასა და ვლადიმერ ბოისასთვის, შენგელიასთვისაც საყვარელი რიცხვი 7-ია.
სხვადასხვა ასაკობრივ ნაკრებშიც ამ ნომრით თამაშობდა, ეროვნულ გუნდში კი "7" დაკავებულია - ფაჩულიას აცვია.
როგორც ამერიკული პრესა იტყობინება, ქართველი ფორვარდის დებიუტი 22 იანვრისთვის იგეგმება.
22 იანვარს "ჩიკაგო" იგორ კოკოშკოვის "კლივლენდს" ესტუმრება.
ყოველდღიური სპორტული გაზეთი "ლელო"
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
