დუდა სანაძის "სან დიეგო" დაძაბულ, 2-ოვერტაიმიან ბრძოლაში დამარცხდა. კალიფორნიულმა გუნდმა შინაურ "ჯენი გრეიგ პავილიონში" "სენტ მერი" მიიღო და 50-წუთიან დაპირისპირებაში ანგარიშით 62:69 დამარცხდა. ძირითადი 40 წუთის შემდეგ ფრე - 56:56 დაფიქსირდა, დამატებითი 5-წუთეულიც ფრედ - 2:2 დასრულდა. მეორე ოვერტაიმში კი სტუმრებმა იძალეს და გამარჯვებაც მათ დარჩათ.
სანაძე სათადარიგო იყო, თუმცა მოედანზე 38 წუთი გაატარა. ქართველმა უკანახაზელმა 7-დან 3 ორქულიანი, 6-დან 1 სამიანი და 5-დან 3 საჯარიმო ჩააგდო. დუდას ანგარიშზე, 12 ქულასთან ერთად, 2 მოხსნა, 3 ჩაჭრა, 1 პასი და 1
სანდიეგოელთაგან ბომბარდირი ჯონი დი გახდა 21 ქულით, ხოლო საუკეთესოდ კრისტოფერ ანდერსონი დასახელდა, რომელმაც 9 ქულა, 11 პასი, 5 ჩაჭრა და 4 მოხსნა მიითვალა.
7 მოგებითა და 8 მარცხით 10-გუნდიან "ვესტ ქოუსტის" დივიზიონში "სან დიეგო" მე-6 ადგილზეა. მომდევნო მატჩი სანაძის გუნდს 19 თებერვალს, სტუმრად, BYU-სთან ელის.
წყარო: gbf.ge
