დუდა სანაძის "სან დიეგომ" დასანანი მარცხი იწვნია. ამერიკის სტუდენტური ლიგის "ვესტ ქოუსტის" კონფერენციაში რეგულარული ჩემპიონატი დასრულდა და მე-5 ადგილზე გასული "სან დიეგო" მე-4-ზე გასულ "პეპერდაინს" მეოთხედფინალში შეხვდა.პლეი ოფის თამაშები ტრადიციულად ლას ვეგასში იმართება. "ვესტ ქოუსტის" კონფერენციის საუკეთესო 8 გუნდი ნევადას შტატში შეიკრიბა და ჩემპიონის გამოსავლენი ბრძოლა გააჩაღა.
სამწუხაროდ, სანაძის გუნდმა მეოთხედფინალური რაუნდი წააგო, არადა, პირველი ტაიმის შემდეგ "პეპერდაინს" დამაჯერებლად - 24:18 უგებდა.
მეორე ნახევარში მეტოქემ თამაში გამოასწორა და საბოლოოდ დაძაბულ ბრძოლაში, 3 ქულის სხვაობით - 50:47 იმარჯვა. სანაძემ სასტარტო
სანდიეგოელთაგან საუკეთესო შედეგი 11-11 ქულით ჯონი დიმ და ვასა პუსიკამ დააფიქსირეს.
"პეპერდაინი" ნახევარფინალში სტუდენტური ლიგის ერთ-ერთ საუკეთესო გუნდ "გონზაგას" შეხვდება, რომელმაც მეოთხედფინალში "სან ფრანცისკოს" 81:72 მოუგო.
წყარო: gbf.ge
