გიორგი ცინცაძის "გრავლინი" საფრანგეთის უმაღლეს ლიგაში წარმატებით ასპარეზობს, რომელმაც საშინაო გამარჯვების შემდეგ გასვლაზეც მოახერხა მოგება. დიუნკერკის გუნდი "ნანსის" ესტუმრა და ანგარიშით 81:75 იმარჯვა.ცინცაძე სათადარიგო იყო და მოედანზე 14 წუთით გამოჩნდა. ქართველმა გამთამაშებელმა 2 ორქულიანი და ამდენივე სამიანი ააცილა, ხოლო 4 საჯარიმო ცდიდან 3 გამოიყენა. ცინცაძის ანგარიშზე საბოლოოდ 3 ქულა, 3 მოხსნა, 3 პასი და 2 ჩაჭრა დაგროვდა.
გრავლინელთაგან 21 ქულით საუკეთესო იყო მარკუს დავი, 16 ქულა მიითვალა სტივ გრეიმ, გუნდის ლიდერის, ენდრიუ ალბისის ანგარიშზე 15 ქულა და 7 პასი
2-დან 2 გამარჯვებით "გრავლინი" საფრანგეთის უმაღლესი ლიგის ლიდერთა შორისაა. მომდევნო მატჩს ცინცაძის გუნდი 9 ოქტომბერს, შინ "შალონ-რეიმსთან" გამართავს.
მომზადებულია gbf.ge-ს მიხედვით
