ბექა ბურჯანაძე ნახევარფინალში გავიდა. ესპანეთის მეორე ლიგაში უმაღლესში გადასასვლელი ბრძოლა პლეი ოფში მიმდინარეობს, რომლის გამარჯვებულიც ელიტ-დივიზიონის საგზურს მოიპოვებს. ბურჯანაძის "ლიმა ბასკეტ კორუნამ" რეგულარულ ჩემპიონატში მე-5 ადგილი დაიკავა და პლეი ოფის პირველ წრეში მეექვსეადგილოსან "ბრეგანს" შეხვდა. სერია 3 მოგებამდე იყო და გამარჯვებულის გამოვლენას 5 მატჩი დასჭირდა.
სერიის გადამწყვეტი, მე-5 მატჩი ლა კორუნიაში გაიმართა და მასპინძელთა იოლი გამარჯვებით - 99:63 დასრულდა. ბურჯანაძის გუნდმა მეტოქეს შანსი არ დაუტოვა და 36 ქულის სხვაობით გაანადგურა. ქართველმა ფორვარდმა სასტარტო ხუთეულში ითამაშა და ორმაგ დუბლამდე 2 მოხსნა
ბურჯანაძემ მოედანზე 24 წუთი დაჰყო და 8-დან 4 ორქულიანი, 4-დან 1 სამიანი და 1-დან 1 საჯარიმო ჩააგდო. საბოლოოდ ბექამ 12 ქულა და 8 მოხსნა მიითვალა, ბურთი კი 2-ჯერ დაკარგა.
ლაკორუნიელთაგან 24 ქულით საუკეთესო იყო ჩარლზ შტელზერი, 15 ქულა დაგროვდა გედიმინას ზილეს ანგარიშზე.
ბურჯანაძის "კორუნა ბასკეტი" ნახევარფინალში "მელილას" შეხვდება, რომელმაც რეგულარლში მეორე ადგილი დაიკავა. მეორე ნახევარფინალში "ბურგოსი" და "ჰუესკა" დაუპირისპირდებიან.
მომზადებულია gbf.ge-ს მიხედვით
