თურქეთის ჩემპიონატის ნახევარფინალში მანუჩარ მარკოიშვილის "დარუშაფაკა" 0:2 ჩამორჩა "ეფესს". საწყისი ორი მატჩი ეფესელთა მოედანზე გაიმართა და მათივე გამარჯვებით დასრულდა. მეორე შეხვედრა გუშინ ჩატარდა და "დარუშაფაკამ" 73:88 დათმო.
მარკოიშვილმა სულ 6 წუთი ითამაშა და 5-დან 3 საჯარიმო ჩააგდო, მატჩი 3 ქულით, 1 მოხსნითა და 2 პასით დაასრულა.
სერიის მესამე შეხვედრა 28 მაისს, "დარუშაფაკას" მოედანზე გაიმართება. სერია სამ მოგებამდეა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
