საქართველოს კალათბურთელთა ნაკრების ფორვარდმა თორნიკე შენგელიამ ესპანეთის ჩემპიონატში მორიგი წარმატებული მატჩი ჩაატარა. მისმა გუნდმა "ბასკონიამ" მადრიდის "რეალს" უმასპინძლა და დაამტკიცა, რომ სეზონის დასაწყისში ევროლიგაზე "სამეფო კლუბის" ძლევა შემთხვევითობა არ იყო.
ბასკებმა "რეალს" ამჯერადაც დამაჯერებლად აჯობეს - 77:62.
თორნიკე სასტარტო ხუთეულში იყო და გამარჯვებაში თავისი წვლილი შეიტანა. მან 17 წუთში 7 ქულა, 3 მოხსნა და 1 შედეგიანი გადაცემა მიითვალა. თუმცა მხოლოდ სტატისტიკით როდი განისაზღვრება მისი ნაყოფიერება, დაცვაშიც საიმედოდ მოქმედებდა...
მატჩის ბომბარდირობა ბასკონიელებმა იკისრეს - შეინ ლარკინმა და ადამ ჰანგამ 16-16 ქულა ჩააგდეს. მადრიდელთაგან კი ყველაზე მეტი, 12-12 ქულა რუდი ფერნანდესსა და ლუკა დონჩიჩს ჰქონდათ.
14 ტურის შემდეგ 9 მოგებით "ბასკონია" ესპანეთის ჩემპიონატში მე-5 ადგილზეა. პირველობას "რეალი" და "ბარსელონა" იყოფენ - 11-11 გამარჯვება. 8 მოგებითა და 6 მარცხით ბექა ბურჯანაძისა და გიორგი შერმადინის "ანდორა" მერვე პოზიციაზეა. მომდევნო მატჩი სწორედ "რეალთან" ელის. "ბასკონიაც" მადრიდში ითამაშებს, ოღონდ "ფუენლაბრადას" დაუპირისპირდება. მატჩები 8 იანვარს გაიმართება.
08:40 04-01-2017
თორნიკე შენგელიამ და "ბასკონიამ" მადრიდის "რეალს" ისევ მოუგეს [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
![შენგელია ბოლონიელთაგან საუკეთესო იყო - "ვირტუსმა" ოვერტაიმში წააგო [VIDEO]](/pictures/image7/e5869ed7d689d5f1e45a497325b923a7.jpg "შენგელია ბოლონიელთაგან საუკეთესო იყო - \"ვირტუსმა\" ოვერტაიმში წააგო [VIDEO]")
![შენგელია შეუჩერებელია - თოკომ "ვირტუსი" იტალიის თასის ფინალში გაიყვანა [VIDEO]](/pictures/image7/1d0f56e720e147d5299277156ffec4ff.jpg "შენგელია შეუჩერებელია - თოკომ \"ვირტუსი\" იტალიის თასის ფინალში გაიყვანა [VIDEO]")
სიახლეები
პოპულარული
