13 ნოემბერს საქართველოს ჩემპიონმა "არმიამ" ევროჩელენჯის ჯგუფურ ეტაპზე მეორე შეხვედრა გამართა - "სპორტის სასახლეში" ბელგიურ "ანტვერპენ ჯაიანთსს" დაუპირისპირდა და მარცხი იწვნია - 71:80.პირველი მეოთხედი, რომელიც საკმაოდ მაღალ ტემპში წარიმართა, კოტე ტუღუშის გუნდმა 16:15 მოიგო. აღსანიშნავია, რომ მასპინძლებმა წინ გასვლა მხოლოდ მეოთხედის ბოლო წამებზე შეძლეს.
არმიელებმა დიდ შესვენებამდე უპირატესობა ხელიდან აღარ გაუშვეს და ანგარიშში სხვაობა მცირედით გაზარდეს, რაც ლეგიონერების, კურტის მილეიჯისა (14) და ლემეინ უილსონის (10) შედეგიანმა თამაშმა განაპირობა - 38:34.
დიდი შესვენების შემდეგ ბელგიელები გააქტიურდნენ და მესამე პერიოდში ანგარიშში
ბოლო მეოთხედში სტუმრები არაფერს თმობდნენ, მეტიც, რიგ შემთხვევაში უკეთაც ირჯებოდნენ და შეხვედრის დასრულებამდე ორწუთნახევრით ადრე 8-ქულიანი უპირატესობაც მოიპოვეს (59-67). კოტე ტუღუშის შეგირდების მცდელობას შედეგი არც დარჩენილ დროში მოჰყვა და საბოლოოდ საქართველოს ჩემპიონი 9-ქულიანი სხვაობით დამარცხდა.
შეგახსენებთ, რომ "არმია" პირველ ტურში ისრაელში გასვლით შეხვედრაში 69:84 დამარცხდა ჰოლონის "ჰაპოელთან", ხოლო "ანტვერპენმა" შინ 72:83 წააგო გერმანულ "ტელეკომთან".
ასევე იხილეთ:
არმია-ანტვერპენი 52:54 (III მეოთხედი)
არმია-ანტვერპენი 38:34 (II მეოთხედი)
არმია-ანტვერპენი 16:15 (I მეოთხედი)
არმია VS ანტვერპენი - შეიძლება ითქვას, გადამწყვეტი მატჩი!
ჰაპოელ ჰოლონი-არმია 84:69 - ევროპა საქართველოსთვის ცუდად დაიწყო
