დრიმ თიმს ლონდონშიც კრჟიჟევსკი ეყოლება
ლიტვასთან წაგებული მესამე ადგილისთვის მატჩის შემდეგ, სერბეთის ნაკრების მთავარმა მწვრთნელმა დუშან ივკოვიჩმა კალათბურთის საერთაშორისო ფედერაცია გააკრიტიკა. სერბმა სპეციალისტმა განაცხადა, რომ FIBA-ის ხელმძღვანელობამ სერბებს ბოდიში უნდა მოუხადოს ან გადადგეს. ივკოვიჩის აღშფოთება თურქეთთან ნახევარფინალში მსაჯების მოქმედებამ გამოიწვია.
"ეს ძალიან საინტერესო ჩემპიონატი იყო. ამერიკის ნაკრებმა შესანიშნავი თამაში აჩვენა, ჩვენ კი პირიქით, ვერ შევძელით ტურნირის წარმატებით დასრულება. ფინალში გასვლას ვიმსახურებდით. მოთამაშეები იმედგაცრუებული არიან ასეთი შედეგის გამო. თურქეთის წინააღმდეგ ხარისხიანი თამაში ვაჩვენეთ, მაგრამ მსაჯებმა ყველაფერი გააფუჭეს. აღნიშნული მატჩის დასაწყისში და ბოლო
ვერ გამიგია, ორი ევროპული გუნდის თამაშისას რატომ არ შეიძლება მსაჯები ევროპელები იყვნენ? არბიტრები დარღვევებზე თვალს ხუჭავდნენ, შენიშვნებს არ აძლევდნენ, ვიდეოჩანაწერებს არ იყენებდნენ... ლუბომირ კოტლებესა და პატრიკ ბაუმანს ეთიკური მოსაზრებებით თანამდებობების დატოვებას ვთავაზობ, წინააღმდეგ შემთხვევაში, კალათბურთი დაიღუპება. ვიცი რასაც ვამბობ. ბორისლავ სტანკოვიჩმა თავისი მმართველობის შემდეგ შესანიშნავი მემკვიდრეობა დატოვა, მაგრამ ახლა მისი მუშაობის შედეგი განადგურებულია. მოკლედ, რთული სიტუაციაა.
მინდა მადლობა გადავუხადო ჩემს შეგირდებს გაწეული სამუშაოსთვის. 28 ივნისიდან ვვარჯიშობდით და წარმატებას მივაღწიეთ. ასევე მადლობას ვუხდი თურქეთის კალათბურთის ფედერაციას, რომელმაც ტურნირის სტარტამდე ერთი კვირის განმავლობაში სტამბოლში ვარჯიშის საშუალება მოგვცა", - ამბობს ლეგენდარული სპეციალისტი.
გაცილებით ამაღლებული განწყობით ტოვებს თურქეთს ტურნირის ტრიუმფატორი, ამერიკის ნაკრების მთავარი მწვრთნელი მაიკ კრჟიჟევსკი. მან ფინალის შემდეგ განაცხადა, რომ 2012 წლის ოლიმპიადაზეც აპირებს "დრიმ თიმის" გაწვრთნას და მხოლოდ ამის შემდეგ იფიქრებს ნაკრებიდან წასვლაზე.
63 წლის სპეციალისტი ამერიკის ნაკრებს 2006 წლიდან ხელმძღვანელობს და მეორე ჯილდო მოიგო - მანამდე კრჟიჟევსკიმ გუნდი ოლიმპიური ჩემპიონი გახადა.
ლელო
