უკვე მერამდენედ, "ბოსტონმა" მეოთხე მეოთხედში წააგო თანაბარი შეხვედრა. ჩემპიონთან მატჩის პირველ სამ მეოთხედში ლიდერი რვაჯერ შეიცვალა, მეოთხე მეოთხედის სტარტზე კი "სპურსის" უპირატესობა მხოლოდ სამ ქულას შეადგენდა. და ამის შემდეგ "კელტებმა" მეტოქის 19:3 გაქცევა მიიღეს, რის შემდეგაც ორივე გუნდის ლიდერები დასასვენებლად გაეშურნენ.ბოსტონი-სან ანტონიო 89:111
22:25, 27:20, 24:33, 16:33
ბ: გრინი (16), ტერნერი (12), ბრედლი (11), ბასი (10), ტორნტონი (10), ზელერი (7+10 მოხსნა), რონდო (2+6 მოხსნა+10 პასი).
ს-ა: გრინი (18+6 მოხსნა+3 ჩაჭრა), დიაო (15+7 მოხსნა), დანკანი (14+8 მოხსნა), ბეინსი (13), ლეონარდი (12+6
* * *
"ბრუკლინმა" საკუთარ მოედანზე წინააღმდეგობა ვერ გაუწია "ჩიკაგოს", რომელმაც მეორე ტაიმში ორი ქულიდან 24-მდე აიყვანა საკუთარი უპირატესობა. მესამე მეოთხედის სტარტზე გასოლმა, ბატლერმა და როუზმა 17:4 გაქცევა მოაწყვეს, რაზეც "ნეტსს" პასუხი არ აღმოაჩნდა. მასპინძლებმა 37 პროცენტის სიზუსტით ისროლეს ორქულიანები და 14-დან მხოლოდ 2 სამქულიანი მოათავსეს კალათში. სამაგიეროდ, გარნეტმა ხელზე უკბინა ნოას და შესაძლოა, ეს მატჩი ამით მაინც დაამახსოვრდეს ვინმეს.
ბრუკლინი-ჩიკაგო 84:102
22:25, 20:22, 21:29, 21:26
ბ: ბოგდანოვიჩი (13), ჯეკი (12), ლოპესი (11), უილიამსი (10).
ჩ: ბატლერი (26+5 პასი), გასოლი (25+13 მოხსნა), როუზი (14+6 მოხსნა), მიროტიჩი (12+12 მოხსნა), ბრუქსი (11), ნოა (3+10 მოხსნა).
* * *
სტივენ კარიმ ფეხი გადაიბრუნა და შეხვედრის ჩამთავრება ვერ შეძლო, თუმცა წინასწარი სამედიცინო შემოწმებით, დაზიანება სერიოზული არ არის. ამ უსიამოვნო მომენტის მიუხედავად, "გოლდენ სტეიტს" პრობლემა არ ჰქონია "დეტროიტთან", რომლისთვისაც ეს იყო ზედიზედ მერვე წაგება - ეს არის ყველაზე გრძელი "შავი სერია" სტენ ვან განდის კარიერაში.
დეტროიტი-გ. სტეიტი 93:104
24:21, 16:32, 31:29, 22:22
დ: კოლდუელ-პოუპი (23), ჯენინგსი (22+6 პასი), სმიტი (14+12 პასი+9 მოხსნა+4 ჩაჭრა), მონრო (13+10 მოხსნა).
გ-ს: გრინი (20+6 მოხსნა), კარი (16+10 პასი), ტომპსონი (15), ლივინგსტონი (12), სპეიტსი (11+12 მოხსნა).
* * *
"მემფისმა" კარგად გამოიყენა დემარკუს კაზინსის ტრავმა და "საკრამენტოს" თავისი წინა ხაზის მეშვეობით გაუმკლავდა. რენდოლფმა და გასოლმა ერთად 40 ქულა, 18 მოხსნა, 9 პასი და 4 ჩაჭრა მიითვალეს, სულ კი სამწამიანი ზონიდან "გრიზლისმა" 50 ქულა დააგროვა. თუმცა "საკრამენტოს" წინა ხაზში აღმოჩნდა მოთამაშე, რომელსაც შეეძლო ამ დუეტისთვის პასუხის გაცემა - რეჯი ევანსმა კარიერის საუკეთესო წლები გაიხსენა და 17 ქულასა და 20 მოხსნას მოუყარა თავი.
კალიფორნიელებმა შეძლეს მეოთხე მეოთხედში 21-ქულიანი ჩამორჩენის სამ ქულამდე დაყვანა, მაგრამ დროულად გამოფხიზლდა მარკ გასოლი, რომელმაც ზედიზედ რვა ქულა აიღო და მასპინძლები უშანსოდ დატოვა.
საკრამენტო-მემფისი 85:97
20:28, 22:30, 23:16, 20:23
ს: გეი (20), მაკლემორი (18), ევანსი (17+20 მოხსნა), კოლისონი (16+7 მოხსნა+7 პასი+4 ჩაჭრა).
მ: რენდოლფი (22+12 მოხსნა+3 ჩაჭრა), გასოლი (18+6 მოხსნა+5 პასი), ალენი (13+4 ჩაჭრა), ლი (11), კონლი (10+6 პასი).
* * *
დუეინ უეიდი, როგორც იქნა, დაბრუნდა ტრავმის შემდეგ და მაშინვე გამოჩნდა, რომ სწორედ ის აკლდა გუნდს წარმატებული თამაშისთვის. მეოთხე მეოთხედში "ნიუ იორკი" არაერთხელ მიუახლოვდა მეტოქეს ერთი შეტევის მანძილზე, მაგრამ "ჰიტის" ლეგენდა ყოველ ჯერზე ზუსტი ტყორცნით პასუხობდა მოწინააღმდეგის აქტიურობას - უეიდმა ბოლო 12-წუთეულში რვიდან ექვსი ბურთი ჩააგდო და 13 ქულა დააგროვა. ასევე, ამ მატჩში დაუბრუნდა "ნიუ იორკს" კარმელო ენტონი, მაგრამ ის დუეინივით ეფექტური არ ყოფილა - ბოლო მეოთხედში ცხრიდან ექვსი სროლა ააცილა და ექვსი ქულა მიითვალა.
წუთნახევრით ადრე სტაუდმაიერმა ისევ ორ ქულამდე შეამცირა სხვაობა, რასაც ბოშმა ზუსტი სამქულიანით უპასუხა. ამის შემდეგ მასპინძლებს უშედეგო შეტევა ჰქონდათ და ამით დაკარგეს თამაშის გადარჩენის შანსი.
ნიუ იორკი-მაიამი 79:86
17:21, 17:21, 25:21, 20:23
ნ-ი: ენტონი (31+8 მოხსნა), სტაუდმაიერი (19+12 მოხსნა), კალდერონი (9+10 მოხსნა+6 პასი), დალემბერი (2+10 მოხსნა).
მ: უეიდი (27+5 პასი), ბოში (20+9 მოხსნა), დენგი (10+10 მოხსნა+3 ჩაჭრა).
* * *
"ორლანდომ" ბოლოჯერ დასავლეთში მატჩი 635 დღის წინ მოიგო - 2013 წლის 16 მარტს. გუშინ ფლორიდელებმა შეძლეს ამ სერიის შეწყვეტა. დენვერში განადგურების შემდეგ "ფინიქსი" მთელი მატჩის განმავლობაში საშინლად გამოიყურებოდა და "ორლანდომ" ამით მეორე მეოთხედში ისარგებლა, როცა 13:1 გაქცევის შემდეგ 13 ქულით დაწინაურდა.
მეორე ნახევარში "სანზმა" გაბრძოლება შეძლო და ბოლო მეოთხედის მიწურულს სამ ქულამდე მიუახლოვდა მეტოქეს. ამას მოჰყვა საკამათო ეპიზოდი: ვუჩინიჩმა ორქულიანი ჩააგდო, მაგრამ მანამდე, "ფინიქსის" მწვრთნელის ჰორნაჩეკის აზრით, გარბენი გააკეთა. მსაჯებმა ეს ვერ დაინახეს, სამაგიეროდ, ტექნიკური მისცეს მწვრთნელს და ჰარისმა საჯარიმოს ხაზიდან ექვს ქულამდე გაზარდა უპირატესობა.
ამის შემდეგ იყო ჯარიმების ტაქტიკა მასპინძლების მხრიდან და სირენამდე სამი წამით ადრე სხვაობა ქულამდე დავიდა. "ფინიქსმა" ფურნიეზე აიღო ჯარიმა და ფრანგმა ორივე სროლა გამოიყენა. "სანზსს" საკუთარი ნახევრიდან მოუწია სროლა და ააცილა.
ფინიქსი-ორლანდო 90:93
23:27, 16:25, 19:17, 32:24
ფ: დრაგიჩი (22+8 მოხსნა), მარკიფ მორისი (18+10 მოხსნა+7 პასი), ბლედსოუ (13+6 პასი), პლამლი (12), გრინი (11).
ო: ჰარისი (21+8 მოხსნა), ვუჩევიჩი (18+8 მოხსნა), ფურნიე (15), ოლადიპო (12).
* * *
"მინესოტა" რუბიოს, მარტინისა და პეკოვიჩის გარეშე უძლური იყო "პორტლენდის" წინაშე. მასპინძლების მაქსიმალური უპირატესობა 16 ქულას აღწევდა და ფავორიტმა საკმაოდ იოლად გაიმარჯვა.
მთელი მატჩის განმავლობაში "მგლებმა" ცხრიდან მხოლოდ ორი სამქულიანი გამოიყენეს, "პორტლენდმა" კი 33 შორეული ტყორცნა შეასრულა და 12 იყო ზუსტი.
პორტლენდი-მინესოტა 107:93
22:26, 26:14, 27:21, 32:32
პ: ოლდრიჯი (26+15 მოხსნა), მეტიუზი (23+6 მოხსნა), ლილარდი (17+8 პასი+3 ჩაჭრა), ბატუმი (10+8 მოხსნა+5 პასი).
მ: მუჰამადი (28+5 მოხსნა), უილიამსი (21+11 პასი), იანგი (14+5 მოხსნა+3 ჩაჭრა), დიენგი (11+8 მოხსნა).
ყოველდღიური სპორტული გაზეთი "ლელო"
